Guillaume de Riez, son épouse et ses descendants, Guillaume, vicomte de Marseille, Stephana son épouse et leurs fils, donnent à Saint-Victor de Marseille, ce qu'ils possèdent à Pignans entre Carnoule et Gonfaron.

l.1 Dum antiquissima incolomis sinceraque vigebat simplicitas, nec dumque humana crassabatur
l.2 malignitas, sine literris donacionis, fixe durabat firmitas. Quod mutavit paternitas, succedensque
l.3 modernitas, scilicet omne datum gestis non alligatum, testibus roboratum predicat annullatum. Qua
l.4 propter nos, ego Vilelmus Regensis, et uxor mea nomine [...] et Petrus nepos meus
l.5 et fratres sui [...], necnon mater illorum nomine
l.6 [...], Vilelmus quoque vicecomis Massiliȩ, et uxor ejus Stephana, necnon filii illorum,
l.7 Poncius videlice[t] episcopus, atque fratres sui Vilelmus juvenis et Aicardus sive Joffredus, Stephanus quoque
l.8 atque Bertrannus necnon et Petrus territi de peccatis quae miseri fecimus satis in dictis et
l.9 in factis, in preteritis actis, et in omnibus pactis litteris alligatum, testibus confirmatum, aliquid ex paterna, vita
l.10 pro sempiterna, in Dei caritate, donamus hereditate. Hoc est : donamus Massiliensi monasterio, sito Gallicis extremis
l.11 in oris, in honore Dei martyris precellentissimi Victoris, quendam locum quem vocant Pignanum, antiquitus
l.12 a religiosis viris fundatum in honore sanctȩ Dei genitricis virginis Mariȩ, vel sancti Johannis Babtiste, nunc vero
l.13 a quibusdam clericis ex parte resolidatum. Nos ergo supradicti donatores donamus ipsum locum ab integro
l.14 prephato monasterio, sancto pro ministerio, cum vineis et campis, non cultis et aratis, cum ortis et cum pratis,
l.15 garriciis et oglatis, arboribus, et cunctis illis cum terris junctis, sibi vel adjacentibus cunctisve pertinentibus
l.16 quod habet aut habebit, habereque valebit, vel per donacionem, seu per comparacionem, aut commutacionem, per titulacionem,
l.17 facimus donacionem monasterio ipsi jam martyris predicti. Quam si quis voluerit frangere, aut
l.18 contra malum tangere, auri librarum XX, multatus, sit excommunicatus, et cum Juda damp-
l.19-natus, ad infernum portatus. Est in commitatu Forojuliense, hec donacio, inter villam quam vocant
l.20 Carnolas et castrum Gonfanonem. Cujus consortes ita habentur : [...
l.21...]. Anno ab incarnacione Domini millesimo, hec est facta
l.22 carta XXXVIIII. Ego vero Vilelmus Regensis et uxor mea, et Petrus nepos meus, et omnes fratres sui
l.23 [...] necnon mater illorum nomine [...],
l.24 Vilelmus quoque vicecomis Massiliȩ, et uxor ejus Stephana, necnon filii illorum, Poncius videlicet episcopus Massiliȩ,
l.25 atque fratres sui, hoc est Vilelmus juvenis, sive Aicardus, atque Josfredus, Stephanus quoque atque Bertrannus,
l.26 necnon et Petrus, qui hanc donacionem facere curavimus, manibus eam propriis firmavimus, alios autem
l.27 firmare rogavimus.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 535, n° 1065.

MAGNANI SOARES-CHRISTEN (Eliana), Monastères et aristocratie en Provence, milieu Xe - début XIIe siècle, Munster, 1999 (Vita regularis, 10), p. 379-380 (commentaire).