Garin et Abellonia, son épouse, donnent à Saint-Victor de Marseille deux pièces de vigne situées à Gardanne. Ils s'en réservent l'usufruit, pour eux-mêmes et leurs enfants.

l.1 [chrisme] In nomine sanctȩ et individuȩ Trinitatis, ego Garinus et uxor mea Abillonia, audientes Dominum in evangelio dicentem: Quicumque dederit calicem aquȩ frigidȩ tantum in nomine discipuli, non perdet
l.2 mercedem suam, et alibi: Date helemosinam et ecce omnia munda sunt vobis, donamus domino Deo et sancto Victori martyris, Massiliensis coenobii, aliquid de alode nostro, id est
l.3 de vinea modiatas duas; et est in comitatu Aquensi, in castro quȩ nominant Gardana. In tali tenore, ut, dum vixerimus, teneamus et possideamus, et filii nostri post nos, in tali convenientia,
l.4 ut non habeant licentiam illum alodem vendere, nec filiis nec filiabus suis relinquere neque aliquid in nullum ingenium facere, sed, post obitum eorum, a supradicto monasterio
l.5 revertatur. Et sunt consortes ita: de uno latus, Pontius de Brugnola; dae alio latus, Pontius Dagubertus; in tertio latus, terra de Eldeberto Aitrudis; in quarto latus, senior Umbertus.
l.6 Ego Garinus et filius meus Rostagnus possidemus unam modiatam de matre sua; et, post obitum nostrum, revertatur ad sanctum Victorem, sicut diximus; de alia modiata, si habuero alios heredes legales, similiter faciant post obitum suum. Ideo dixi ita, quia duas uxores habui.
l.7 Hanc donationem, donamus ego Garinus et uxor mea jam supradicta, sicut superius dictum est, et manibus nostris firmavimus, et firmare rogavimus.
l.8 Et si quis hanc donationem anullare vel minuare voluerit, non valeat vindicare quod temptaverit, sed cogatur exsolvere supradicto sancto Victori et servientibus
l.9 monachis Deo [in] eodem monasterio XX auri libras purissimi. Ipsa autem donatio firma permaneat, ita ut abbas et monachi ejusdem loci tam presentes quamque et futuri habeant,
l.10 teneant, et in perpetuum possideant et suam inde voluntatem faciant.
l.11 Si quis hanc donationem inrumpere temptaverit, sciat se excomunicatum et anathematizatum et a coetu sanctȩ Dei ȩcclesiȩ exclusum, et cum Arrio et Sabellio ac Symone Mago ceterisque qui ȩcclesiam
l.12 Christi destruere conati sunt in inferno inferiori poenas suppliciorum suorum luendum et inremediabiliter cruciandum.