Eldebert, Rostang, clerc, Pons et Albetrudis, sa femme, donnent des terres à l'église Notre-Dame de Thorame.

l.1 Auctoritate precipitur aecclesiae et romana stabilitum est lege utcumque uspiam de suo quocumque vult alicui impertire non sine legibus vel litterulis
l.2 hoc deliberet vel peragat. Quatenus dum non firmiter ligatur solubilius resolvitur. Nam antiquitus sine opitulatione valebat litterarum
l.3 modernis autem temporibus propter infidelitatem nil valet nisi fuerit gestibus compressum litterarum. Idirco ego Eldebertus, secutus hanc legum
l.4 auctoritatem, aliquid membranulis insertum litteratim, pro redemp[tione] animarum parentum nostrorum sive pro culpis et pro offensione [meorum]
l.5 delictorum, dono ȩcclesiȩ sanctȩ Dei genitricis Mariȩ, de hȩreditate quȩ mihi legibus obvenit, in villa quam no[minant Tora]minas unam cabannariam, cum
l.6 campis, cum ortis, cum oglatis, cum silvis, garriciis, cum fontibus et rivis, cum pratis erbarum et exitus earum. [Ibidem] Rostagnus clericus huic supra-
l.7-dictȩ ȩcclesiȩ dat de sua hȩreditate terrȩ cultȩ modiatam unam; Pontius et uxor [ejus et] filius ejus, modiatam [unam; Albetrudis], similiter modiatam alteram.
l.8 Sane si quis, nos aut ullus heres noster aut qualiscumque, qui contra hoc dotalitium vel hujus ȩcclesiȩ sponsalitium ire, inquiȩtare vel inrumpere voluerit,
l.9 non valeat vendicare quod repetit, sed componat in vinclo auri optimi uncias IIIIor et insuper maledictionem Dei omnipotentis incurrat et cum Juda traditore
l.10 et Datan et Abiron in inferno damnetur et postea hoc donum firmum et incomtaminatum omni tempore permaneat, cum stipulatione interposita pro omni firmitate
l.11 subnixa. Galo modiata I.
l.11 Facta vel scripta carta hujus donacionis in mense octopaton, regnante Rodulfo, rege Alamandorum sive Provinciȩ, incarnationis Domino nostri Jhesu Christi anno
l.12 millesimo XXVI jam peracto. Signum Eldeberti et suorum heredum suprascriptorum; manus illorum firmat. Poncius frater Adalardi firmavit. Item Poncius testavit.
l.14 Aldigerius presbiter, item Aldegerius presbiter, Bertrannus presbiter, Eldemarus.
l.15 RAYNARDOS SCRIPSIT ROGITOS.