Albert d'Allons et Adalgarde, son épouse, Albin et Guitburgis, son épouse, et alii donnent à Saint-Victor de Marseille l'église Sainte-Marie de Barjols avec toutes les terres lui appartenant.

l.1 [De]i omnipotentis opitulante clementia, ejusque benignissima inspirante [misericordia] qui mortem non vult peccatorum sed vitam, dum per prophetam suum misericorditer polliceatur dicens : Vivo ego dicit
l.2 Dominus, nolo mortem peccatoris sed ut convertatur et vivat. Ego Arbertus et uxor mea Adalgarda, et Albinus cum heredibus suis sive uxore sua nomine Guitburga, necne Pandulfus,
l.3 Isnardus nepos ejus, Ponciusque et Isnardus filius ipsius et heredes sive uxores nostrȩ de animarum nostrarum salute solliciti, et immanitatem scelerum nostrorum pertimescentes, ut a pio Domino veniam peccami-
l.4-[num] et ablutionem possimus consequi criminum et ut pro terrenis cȩlestia adquirere valeamus, donamus eidem omnipotenti Domino et sancto martyri Victori ejusque monasterio apud Massiliam fundato,
l.5 [ecclesiam] scilicet in honore sanctȩ Mariȩ fundatam quȩ est in comitatu Forojuliense in loco qui vocitatur Bargiolis cum campis cultis et incultis, vineis, pratis, garricis vel omnibus ad eandem ecclesiam
l.6 [pertin]entibus : a parte orientali donat unusquisque nostrum quod sibi pertinet usque ad rivum qui nominatur Pontivis ; a parte occidentali usque ad montem ubi est campus Richardi Fusci, et mergit usque
l.7 [...]am quam nominant Biva ; a plaga meridiana usque ad supradictum rivum qui nominatur Biva, et vadit ad rivum Pontivis ; a parte septentrionali usque ad rupem. De molendinis namque quantum nobis
l.8 [...]otum Deo et sancto Victori ejus martyri donamus. Hȩc autem omnia supranominata propter animarum nostrarum salutem ac genitorum parentumque nostrorum donamus, cedimus, atque tradimus in almi
l.9 [...]s Victoris dicione et in manibus abbatum ac monachorum presentium et futurorum ibidem perpetim famulantium, ut ab hac die sine alicujus hominis interpellatione teneant et possideant
l.10 [...]atis nostris assidui intercessores existant et hoc fecimus domno abbate Archinrico consentiente, volente et confirmante qui hactenus possessor extitit ejusdem loci.
l.11 [...] quis homo contra hanc donationem venire temptaverit et irritam facere eam voluerit aut servis Dei de his omnibus aliquam molestiam inferre presumpserit, iram omnipotentis Dei ac sanctorum ejus
l.12 [...]. Facta est autem donatio hȩc anno incarnationis dominicȩ millesimo XXI, indicione IIII, regnante Rodulfo rege Alamannorum seu Provinciȩ
l.13 [...] tus et donatores prefati hanc donationem manibus nostris roboravimus, et testibus firmare rogavimus, insuper etiam manu propria firmavimus. Pontius
l.14 [fi]rmavit. Bertrannus filius fir[mavit]. Albinus fir[mavit] et fratres ejus firmaverunt. Pontius Iasaus fir[mavit]. Isnaldus filius ejus et ejus uxor firmaverunt. Isnardus fir[mavit]. Uxor ejus fir[mavit].
l.15 [...]alcus fir[mavit]. Alius Atanulfus fir[mavit]. Dodo fir[mavit]. Natalis fir[mavit]. B[...]ensis fir[mavit]. Raiambertus fir[mavit]. Pontius presbiter fir[mavit].
l.16 [RO]STAGNUS MONACHUS SCRIPSIT.
l.17 [DOMIN]O ABBATE ISARNO MANDANTE.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 530, n° 1059.

MAGNANI SOARES-CHRISTEN (Eliana), Monastères et aristocratie en Provence, milieu Xe - début XIIe siècle, Munster, 1999 (Vita regularis, 10), p. 380-381 (commentaire).