Adélaïde et Gerberge, comtesses de Provence, donnent à Saint-Victor de Marseille, le domaine de Sept-Fontaines, dans le comté de Riez, sur la Durance, entre Valensole, le Bar et Gréoux.

l.1 [chrisme] Omnipotentis Dei opitulante clementia, ego Adalax, illustrissima comitissa, mater Vilelmi, quondam Provinciȩ comitis, et ego Geriberga, eque comi-
l.2-tissa, ejusdem principis olim uxor, unacum consensu filiorum optimatumque nostrorum, pro remedio animȩ ejusdem principis omniumque nostrorum, facimus donationem
l.3 de ea quȩ gratuita sua miseratione ipse nobis contulit, eidem omnipotenti Domino ac sancto Victori, martyri gloriosissimo, ejusque monasterio, haud procul a civi-
l.4-tate Massilia fundato, et abbatibus ac monachis presentibus et futuris, Christo domino inibi militantibus, de villa quadam quȩ vocatur Septem Fontes, quȩ
l.5 sita est in pago Provinciȩ, in comitatu Regense, secus fluvium Durenciae. Terminatur autem eadem villa his terminationibus:
l.6 a solis ortu, sicut est terminus terra de Valentiola; ab occidente, sicut terminatur terra de Albarno et de Mirabello; a meridie, sicut est
l.7 terminus de Gresols, a septrione, terminatur flumine Durentiȩ.
l.8 Verum si contigerit ut hanc donationem quis frustrare nitatur, sciat se excomunicatum et anathematizatum, a Patre et Filio Spirituque Sancto et a liminibus
l.9 sanctȩ ecclesiȩ catholicȩ extraneum, et cum Juda Scariothen atque cum Symone mago Arriove et Sabellio, in inferno inferiori dampnandum.
l.10 Facta est autem donatio hȩc anno incarnationis dominicȩ millesimo XVIII, inditione I, regnante Rodulfo, rege Alamannorum seu Provinciȩ.
l.11 Ego Adalax et ego Girberga, unacum filiis et nepotibus nostris, prefatam villam, cum omni integritate, predicto monasterio dedimus manibusque nostris firmavimus,
l.12 et testibus supter adnexis hanc scripturam roborandam tradidimus. Vilelmus, filius Vilelmi comitis, firmavit. Fulco frater ejus firmavit. Losfredus frater firmavit.
l.13 EGO VIFRETUS LICET INDIGNE VOCITATUS ABBA SCRIPSI.
l.14 [...]medio fluminis Durancie.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 1, p. 626-627, n° 630.

POLY (Jean-Pierre), Catalogue des actes des comtes de Provence, 942-1166, annexe de thèse soutenue à l'Université de Paris II – Assas, s.d. , p. 41, n° 83.