Adélaïde, comtesse de Provence, donne à l'abbé Guifred et à Saint-Victor de Marseille l'église de Saint-Martin, dans le terroir de Manosque, non loin de la Durance, avec des terres, des marais et des bois qui lui appartenaient.

l.1 In Dei omnipotentis nomine scanctissimȩ ei dispositionis ordinacione, ego Adalaiz comitissa pro meae animȩ redempcione, simulque pro sanctissima omnipotentis Dei
l.2 promissione qua inter cetera dulcissimȩ suȩ amonicionis verba ait: Date et dabitur vobis, et alibi: Date elemosinam et ecce omnia munda sunt vobis et sicut aqua ex-
l.3-tinguit ignem, ita elemosina extinguit peccatum. Providens siquidem mihi dum hic satis fragili circumdata degeo carne quod prodesse in futuro ac valere possit mihi
l.4 offero atque dono omnipotenti Deo qui mihi dedit omnia quȩ habeo de ipsis suis donis aliquid in elemosina ad proprium alodem sanctoque Victori ejus martyri et abbati presenti domno
l.5 VIFRETO omnibusque monachis, tam presentibus quam et futuris qui secundum regulam sancti Benedicti ibidem vivere studuerint, ut orent omnes pro salute mea, tam corporis quam animae
l.6 meae et intercessores jugiter sint apud Deum, pro percipiendis omnium peccatorum meorum remediis. Est autem predicta donacio in comitatu Sisterico, intra terminos de villa quȩ dicitur
l.7 Manuasca, id est ecclesia sancti Martini, quȩ sita est non longe a fluvio Durentia. Dono itaque ipsam ecclesiam et quantum ad eandem pertinet, id est quȩ ad presens habere videtur et
l.8 que in futuro adquisierit, sed et terram delego eidem ecclesiae id est ipsam paludem quȩ adjacet et de palude usque in Durenciam fluvium, totam silvam illam et quicquid cultum
l.9 vel incultum, fructiferum vel infructiferum habeo vel habere debeo vel quantum ad me pertinet, omnia ex integro dono, sicut jam dixi pro animae meae redempcione. Sunt
l.10 autem hujus termini: ex parte orientali, sicut jacet terra de Avinione et pervenit usque ad fontem quam vocant Stelella et sic indirectum usque in Durenciam; ex parte me-
l.11-ridiana ipsum fluvium Durentiae ; ex parte occidentali a prefato fluio indirectum usque ad molendinum Silvestri et usque ad fontem Christofori. Sane, si aliquis, quod
l.12 evenire minime credimus, contra hanc donacionem meam venire vel obsistere voluerit obtinere, istud non valeat, sed cogatur in vinculo exsolvere auri obtimi
l.13 libras decem. Facta donacio haec anno incarnacionis dominicȩ millesimo XVo, indicione XIIIa. Ego comitissa Adalaiz annuente Domino hanc dona-
l.14-cionem dedi et manu mea firmavi et subter adnexis testibus firmare rogavi. Wilelmus vicecomes firmavit et uxor sua Accelena.
l.15 Rohtlandus levita scripsit.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 1, p. 641, n° 648.

POLY (Jean-Pierre), Catalogue des actes des comtes de Provence, 942-1166, annexe de thèse soutenue à l'Université de Paris II – Assas, s.d. , p. 39, n° 77.