Pato, chanoine de Saint-Genès d'Arles, donne à Saint-Victor de Marseille et à l'abbé Wifred des manses situés dans la ville d'Arles près de l'église Saint-Vincent.

l.1 [chrisme] IN SANCTE ET INDIVIDUAE TRINITATIS, UNIUS VERUS DEI NOMINE, SIMULQUE PRO REMEDIO ANIME MEAE FRATRISQUE MEI HELDEBERTI, QUI IN HOC MIHI OPERE ADJUTOR EXISTIT, ALIORUMQUE FRATRUM MEORUM, ET PRO ANIMABUS GENITORIS
l.2 ac genitricis nostrȩ, omniumque parentum meorum, tam vivorum quam et defunctorum, ego Pato, canonicus sancti Genesii Arelatensis martiris, aliquid de his quȩ possideo omnipotenti Deo sanctoque ejus martyri Victori, monasterium Massilien-
l.3-se cujus sacratissima continet membra, et abbate presenti, domno scilicet Vifreto, monachisque ibidem Christo domino servientibus, tam presentibus quam futuris, ut exorent omnes pro salute mea omniumque supradictorum parentum meorum, dono
l.4 atque perpetualiter trado, id est mansiones optimas in Arelate, non longe ab aecclesia beati Vincencii martyris, quas ex duabus partibus, id est a solis ortu et septentrione, viȩ terminant publicȩ; ex aliis vero duabus, illustrissimorum no-
l.5-biliumque virorum mansionibus circumcluduntur, id est, ab occasu, domni Fulconis, a meridie domni Landeberti. Sane si quis contra hanc donationem insurgere voluerit, aut irritam eam facere temptaverit,
l.6 hoc vindicare non valeat, sed reus exinde auri optimi libras IIIIor in vinculis reddere cogatur, et insuper donatio hȩc firma stabilisque permaneat. Scribere maledictionem non est super hoc necessarium, cum omnes qui sanctuariam
l.7 sibi vindicare possess[ionem] voluerint maledictioni subjaceant, testante propheta: Omnes, inquit, principes eorum qui dixerunt: Hereditatem possideamus sanctuarium Dei, Deus meus, pone illos ut rotam, et sicut stipulam ante faciem venti. Sicut ignis qui
l.8 comburit [silvam], sicut flamma comburens montes, ita persequeris illos in tempore tuo, et in ira [tu]a turbabis eos. Ecce qualiter his et aliis pluribus subjacebunt maledictionibus qui sanctuariam sibi causam in hereditatem posside-
l.9-re voluerint. Facta donatio hȩc anno ab incarnatione Domini millesimo XV, indicione XIIIa, luna XVIIIa, mensis junii die VIIIIo, sub fratrum signo, rogante me donatore, nomine Patone, cum fratribus meis,
l.10 scriptoris calamo, Isarni vocabulo, abbate suo jubente, satisfaciente; Radulfo regnante, Alamannorum [rege. Ego] Pato hanc kartam fieri rogavi et manu propria firmavi, ac testes subnixos firmare
l.11 rogavi. Domnus Vuilelmus vicecomes firmavit. Frater ejus domnus Fulco firmavit. Et abuit Ysnardus, [frater Pat]one, precium de ipsas mansiones, per sua portione, solidos XXX.
l.12 Ysnardus et Heldebertus fratres voluerunt et firmaverunt. Deidonatus fir[mavit]. Bernardus frater ejus fir[mavit]. Isnardus fir[mavit].
l.13 Volveradus fir[mavit]. Bermundus fir[mavit].