Pons I^er, évêque de Marseille, et les vicomtes Guillaume et Foulques donnent à Saint-Victor un mas de terre situé dans la villa de Trets.

l.1 [chrisme] Priscorum patrum religiosa et imitanda traditio est, quemque ea quȩ possidere ac frui non ȩternaliter sed pro tempore poterat, felici comutacione, cito perituram et amissuram, dum illi donat a quo accepit, faciat mercede sesequente ȩternam, secundum illud: Opera
l.2 enim illorum secuntur illos equumque est ut, de his quȩ boni parentes posteris in presenti vita adquisierunt, ab eis in futura aliquid remunerationis accipiant. Ideo igitur ego Poncius episcopus, et ego Vuilelmus, et ego Fulco,
l.3 nos omnes qui sumus heredes ac successores cujusdam illustris viri, Aicardi nomine, pro animȩ ejus ereptione, donamus omnipotenti domino et sancto Victori, suo martyri, ejusque monasterio, apud Massiliam
l.4 civitatem fundato, abbatibus scilicet ac monachis presentibus et futuris, de his quȩ ab eodem nobis jure hereditario dimissa sunt, unum masum cabalem in villa Tritis, quem masum excolit homo nomine Amalbertus, omnia itaque
l.5 quecumque ad ipsum masum pertinent, per hanc scripturam Deo donamus et supradicto martyri famulantibus, ut tam pro illo quam pro nobis omnique populo christiano apud Deum assidui intercessores existant. Certe si aliquis contra hanc
l.6 donationem stare voluerit, aliquamque molestiam Dei servis inferre prȩsumpserit, iram omnipotentis Dei ac sanctorum ejus incurrat, et Judȩ traditori particeps factus, simul cum illo et cum omnibus a sorte Dei extraneis, in tenebras
l.7 exteriores damnetur ubi erit fletus et stridor dentium. Facta carta ista anno incarnationis dominice millesimo VIII, inditione VII, regnante Rodulfo rege Alamannorum sive Provinciae.
l.8 Domnus Pontius episcopus ore simul ac manu roboravit. Domnus Vuillelmus, frater ejus firmavit. Domnus Fulco frater ejus firmavit.
l.9 Arlulfus firmavit. Lanbertus firmavit. Rainaldus firmavit. Radaldus firmavit. Poncius filius Attoni, et Vuibertus filius ejus firmaverunt. Pontius Grennonus firmavit. Bonus filius
l.10 Mora firmavit. Vuibertus filius suus firmavit. Bermunnus firmavit. Eranulfus firmavit. Atanulfus fir[mavit]. Pontius et Asterius frater ejus firmaverunt.
l.11 FRAMBERTUS SACER ET MONACUS MANDANTE DOMNO ABBATE WIFREDO SCRIPSI.