Estavulus donne des terres à l'église Notre-Dame de Castellane, prieuré dépendant de Saint-Victor de Marseille.

l.1 Auctoritas etenim jubet ecclesiastica et lex consistit romana, ut qui rem suam in qualicumque potestate transfundere voluerit per paginem testamenti eam infundat ut prolixiis temporibus soluta
l.2 et quieta permaneat. Quapropter ego Estavulus cogitavi de Dei misericordia et de gratia Christi retributione et ut sanctus Petrus qui habet potestatem ligandi atque solvendi absolvat me [ab omni vinculo] delictorum meorum,
l.3 ut merear illam vocem audire quem Dominus dicturus est: Venite benedicti patris mei possidere paratum vobis regnum a constitutione mundi, pro ipsa amore dono ad ecclesiam Sanctȩ Mariae que est subtus
l.4 castro Petra Castellana. Hoc est de terra modiata una, que mihi ex progenie parentorum meorum legibus obvenit. Et est ipsa terra in commitatu Senecense in loco que nominant Romagnaco.
l.5 In ea vero ratione ut ipsa terra omnique tempore in usum permaneat ad ȩcclesiam sanctae Mariae. Sane si quis ego Estavulus aut ullus homo de propinquis parentibus meis aut ulla amissa persona
l.6 qui contra hanc serie scripturarum ulla calumpnia inferre voluerit non vindicet set ira Dei omnipotentis incurrat super eum cum Datan et Abiron quos terra vivos obsorbuit, et cum Juda
l.7 traditore anathematis vinculo innodetur. Et postea haec donatio firma estabilis permaneat usque in sempiternum. Facta carta ista in mense octobris anno XIII regnante Rodulfo
l.8 rege. Signum Estavolus qui carta elemosinaria ista scribere fecit et testes firmare rogaverunt. Manus eorum firmaverunt.