Arnuste, archevêque de Narbonne, et les autres évêques réunis en concile à Barcelone confirment, à la demande de l'abbesse Emma, les possessions du monastère Saint-Jean-Baptiste de Sant-Joan-de-les-Abadesses, situé dans le diocèse d'Ausonne.

l.1 [Anno ab incarnatione DCCCCVI, sub indictione] VIII, conventus factus est sanctorum episcopum apud [Barchin]onam civitatem, quorum haec [sunt nomina]: Arnustus, archiepiscopus alme Narbonensis ecclesie, Servus Dei Gerundensis, [Nantigisus Urgellensis,
l.2 Idalcharius Ausonensis, Teudericus] Barchinonensis, Rainardus Cavelicensis. Dum igitur residerent in ecclesiam sanctae Crucis, unacum precellentissimo principe et marchione Vuifredo, seu plurimorum diversi ordinis clericorum et religiosorum laicorum [que non minima caterva, ut plurimorum
l.3 audirent querimonias, et, Deo favente], que prolata erant justissime determinarent, in supradictorum presentia affuerunt legati Deo devote et religiosissimȩ abbatisse Hemmȩ, prȩ manibus habentes scripturam confirmationis rerum monasterii sui [quod situm est in honore sancti
l.4 Johannis] Baptistae, edita scilicet atque roborata a prȩnominato summo antestite Arnusto ceterorumque venerabilium episcoporum quorum haec sunt nomina: Amelius Uceticensis, Aglardus Nemausensis, Riculfus Helenensis, Artmannus [Tolosensis, Servus Dei Gerun-
l.5-densis, Nantigisus Urgellensis, Reinardus Biterrensis, Gontarius Magdalonensis, Autgarius Lutovensis, Gimera Carcasensis, Gerardus Agatensis. Quoniam vero in presenti coadunatione affuerunt quidam venerabilium episcoporum qui primo defuerant conventui, [petiit
l.6 prefata Deo dicata abbatissa per suam legationem easdem res monasterii sui ut juxta kanonicam et episcopalem auctoritatem confirmarent. Nam istae sunt ecclesiae, parroechiȩ vel cellȩ atque predia, quas sub jure kanonico sibi petiit roborari, primum quidem ipsum monasterium in
l.7 honore sancti Johannis Baptistae et precursoris Domini sub tuitione et cura episcopali, sicut sacri kanones docent, cum parroechia et finibus vel adjacentiis suis; parroechiam quoque sanctȩ Mariae et sancti Kyrrici, et Saura cum finibus suis; cellam etiam sancti Martini cum sua parrochiuncula, necnon [et ecclesiam
l.8 sanctae Columbae cum parroechia sua; cellam quoque qui dicitur Mucronio cum subjuncta sibi parroechia; haec omnia conjacent in episcopio Ausonense. In pago autem Vallense, parroechiam sancti Genesii, in villa quȩ dicitur Amigdala, et in pago Cerdaniense parroechiam sanctȩ Mariȩ
l.9 quȩ dicitur Lilietum, et [Berg]ogiam, et Augustri[..]m, et juxta Cardonam [cellam sancti Johannis] cum sua parroechia, et in Confluente pago villa Foliano ecclesiam in honore sanctae Eulaliȩ cum sua parroechia, et in eodem territorio [parroechiam] de ipsa ecclesia subdita, quȩ dicitur Campilias. In Bi-
l.10-suldunense, cellam quȩ dicitur Collo Vuitizane, ecclesia sancti Vi[ncentii, cum ipsa parroecheia], et in Porcarias ecclesia sancta Maria. Hec igitur omnia nos prȩscripti [atque subsign]ati presules, secundum hoc quod sancti patres kanonicis legibus instituerunt, confirmamus eidem monasterio
l.11 vel ipsi abbatisse, obtestantes et inprecantes sub divina [censura ut nulli christiano liceat... temerario...] aut inrationabiliter aliquid [ex] ipsis rebus ab ipso monasterio auferre vel minuere, nisi tantum quod ex ipsis parroechiis censum annuale quod solis episcopis vel [ministris ecclesi...]
l.12 solvere solitum et per singulos annos solvatur; [alia vero que supersunt ad adjutorium et supplemen]tum ipsius monasterii vel ipsi abbatisse et creditis sibi a Deo devotis feminis ad regendum custodiantur et sub ejus potestate serventur. Si quis autem contra hoc pontificale de[cre]-
l.13-tum a nobis statutum agere, de ipsis rebus monasterii [prefati assumere temptaverit, sciat se severissim]o mucronis vinculo anathematis feriendum et a regno Dei extorrem. Ut autem hoc certius ab omnibus credatur, propriis manibus subter firmando roboravimus. [Anno pri-
l.14-mo regnante Charlone rege.
l.15 ARNUSTUS SANCTȨ NARBONENSIS ECCLESIȨ HUMILIS EPISCOPUS [signum]. NANTIGYSUS EPISCOPUS HUMILIS [signum]. Idelherus umilis episcopus [signum].
l.16 Servus Dei episcopus [signum]. TEUDERICUS BARCHI[croix]NONENSIS AECCLESIAE HUMILIS EPISCOPUS [signum].
l.17 Ego Sigoinus presbiter hoc scripture decretum scripsi et [subscripsi] sud die et anno quo supra.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 505-507, n° 1039.

DEVIC (Cl.), VAISSETE (J.), Histoire générale de Languedoc, 15 vol., Toulouse, 1872-1892, t. 5, n° 32.