Guillaume IX, duc d'Aquitaine, et Philippia, son épouse, prennent sous leur protection le chapitre de Saint-Sernin de Toulouse, lui donnent la villa et l'église de Saint-Pierre de Blagnac, renoncent à une offrande de cierges, accordent le droit de lever une taxe sur le grain vendu, et confirment les donations antérieures.

l.1 Pro amore omnipotentis Dei, et pro salute animarum nostrarum et remissione peccatorum nostrorum, ego W[illelmus], comes Pictavensis, et uxor mea, Philippia nomine,
l.2 suscipimus in defensione nostra et tutela aecclesiam Beati Saturnini martiris, in Tholosano suburbio constitutam, et liberam eam ab omnibus statuimus,
l.3 sicut melius illam deliberavit papa U[rbanus] cum suis episcopis in consecracione sua et in concilio Nemausensi; et quia nefarii persecutores illam destitue-
l.4-rant in diebus nostris, ut restituatur donamus ei de bonis nostris. Ego W[illelmus], comes, et uxor mea, Philippia nomine, filia W[illelmi] comitis Tholosȩ, villam
l.5 scilicet Sancti Petri de Blaniaco, cum ipsa aecclesia et quicquit ad illam pertinet in alodium, absque alicujus rei retencione, homines et feminas,
l.6 terras et vineas, casalia et silvas, prata et aquas, et molendinos, et quantumcumque ibi W[illelmus] consul ibi juste vel injuste habuit et tenuit, et
l.7 alii ab eo, quȩ est sita super flumen Garonna. Absolvimus etiam immissionem de candelis que ante nos dabantur consulibus, sicut melius reliquit
l.8 decessor noster Raimundus comes. Et quia maligni homines totius provinciȩ dementati, ad destruendam ȩcclesiam Sancti Saturnini insurrexerant,
l.9 ab illis deinceps pensionem extraimus, et clericis suprascripte aecclesiȩ pro servicio persolvi jubemus hoc modo, ut quicumque preter inabitantes
l.10 in suburbio vel in civitate allatam annonam amodo vendiderint, de unoquoque sextario Sanctus Saturninus et canonici sui unam junctatam
l.11 suscipiant, ut quicquid in invasione hujus ȩcclesiȩ deliquerunt, hoc modo satisfactione corrigant. Item, quicquit antecessores nostri ei loco
l.12 benigne contulerunt, concedimus et concedendo nostrȩ mentis obtima voluntate confirmamus et adquietamus; hoc beneficium canonici pie [recog]-
l.13-noscentes, in necessitatibus nostris expenderunt de thesauris ȩcclesiȩ Sancti Saturnini, prius quatuor libras auri et dimidiam de auro purissimo, et postea
l.14 octingentos solidos Tholosanȩ monetȩ decennis. Que dona superius denominata atque nostra benigna voluntate concessa, in amore Dei omnipotentis,
l.15 ego W[illelmus] comes Pictaviensis, et uxor mea Philippia, donamus ȩcclesiȩ Sancti Saturnini, et canonicis ibidem sibi ad serviendum constitutis; et hoc totum conce-
l.16-dimus et damus pro salute nostrarum animarum, et pro salute anime Willelmi, soceri mei, et pro salute tocius nostrȩ projeniei, tam preterite quam successure.
l.17 Et hoc donum facimus in presencia Bernardi, vicecomitis Biterrensis, et Ademari, vicecomitis Tholosani, et confirmamus in testimonio eorundem, et, Deo
l.18 annuente, in posterum nos hoc donum ad melius perducturos esse promittimus.
l.19 Facta quarta in mense julio, sub die dominica, regnante Philippo rege, anno millesimo nonagesimo octavo, indictione.
l.20 Signum Petri prepositi. Signum Willelmi Raimundi. Signum Raimundi Capiscol. Signum Petri Johannis. Signum Petri Puncti. Signum Arnaldi Johannis. Signum Vitalis. Signum Geraldi Rigaldi.
l.21 Hoc signum [croix] W[illelmi] comitis Pictavensis et Tolose. Hoc signum [croix] uxoris ejus P[hilippia]. Hoc signum [croix] Ademari vicecomitis. Petrus Bou. Signum Arnaldus Raimun. Signum Raimundus Huelard. Signum Bernardus Asalid.
l.22 Signum Elias Cambaroth. Signum Maleth de Blancafort. Signum Aimar. Signum Arnaldus Otonis. Signum Forto Oolric.
l.23 Signum Vasal. Signum Constanti Gutarii.

1

DOUAIS (Célestin), Cartulaire de l'abbaye de Saint-Sernin de Toulouse (844-1200), Toulouse, 1887, p. 206-207, n° 291.

GERARD (Pierre) et GERARD (Thérèse), Cartulaire de Saint-Sernin de Toulouse, 4 vol., Toulouse, 1999, t. 2, vol. 2, p. 1015-1018, n° 291.