Conrad II, empereur, à la demande d'Oudilo, abbé de Payerne, confirme à l'abbaye, la possession de biens donnés par ses prédécesseurs, à savoir ceux situés à Colmar, Huttenheim, un manse à Bohlsbach, ainsi que les privilèges qui y sont rattachés.

l.1 [chrisme] IN NOMINE SANCTAE ET INDIVIDUAE TRINITATIS, CHUONRADUS, DIVINA FAVENTE CLEMENTIA ROMANORUM IMPERATOR AUGUSTUS. SI SANCTIS AC VENERABILIBUS LOCIS EA, QUAE A FIDELIBUS IPSIS COLLATA SUNT, NOSTRA IMPERIALI AUCTORITATE CONFIRMAMUS AC CORROBORAMUS, PROCUL DUBIO
l.2 praesentis vitae et aeternae subsidium adipisci non dubitamus. Idcirco omnium sanctae Dei aeclesiae fidelium nostrorumque presentium scilicet ac futurorum noverit universitas, qualiter venerabilis abbas sanctae aeclesiae semper virginis
l.3 Mariae, quae sita est Paterniaco, nomine Oudilo cum cuncta congregatione fratrum ibidem Deo sanctȩque Mariae devote famulantium nostram adiit celsitudinem, scripta videlicet piissimorum praecessorum nostrorum Ottonum
l.4 primi secundi et tercii necnon divae memoriae Heinrici invictissimi imperatorum auctoritatibus roborata nostrae conferens prȩsentiae, quae hujusmodi seriem continebant, qualiter antecessores nostri eas res, quae a nobi-
l.5-lissimo duce Ruodulfo praefatȩ aeclesiae Sanctae Dei genitricis Mariae et ad usum et victum monachorum ibidem servientium concessa atque donata fuerunt, cortes scilicet Columbra et Hitinheim cum omnibus pertinentiis
l.6 earum, et unum mansum in villa Badelesbah a praedicto imperatore Heinrico eidem monasterio collatum, supplici justitiae petitione, ut nova nostra auctoritate omnes res prȩdictas ad eandem aeclesiam datas et juste
l.7 pertinentes roborare curaremus, sitas videlicet in Alsatia et in comitatibus Gisilberti et Wezilonis comitum. Quorum petitioni nos assentientes ita fieri decrevimus atque sub nostrae tuitionis munitate per hujus
l.8 nostri praecepti vigorem omnes praedictas res earumque legales pertinentias conclusimus, regali praecipientes auctoritate, ut omnium inquietudine semota ad jamdictam aeclesiam libere et secure perpetim consistant ac fratrum eorundem tam manentium quam et futurorum usui cotidiano
l.9 sub abbatis ordinatione deserviant. Liceat etiam predicto abbati Odiloni suisque successoribus in praefatis locis advocatum quemlibet ordinare, ita ut nullam ibidem habeat per se potestatem preterquam ipse suique successores cum consensu fratrum sibi annuerint. Et ut haec nostrae defensionis
l.10 auctoritas stabilis et inconvulsa permaneat, hanc nostri praecepti paginam manu propria roborantes sigilli nostri impressione [insigniri] jussimus.
l.11 SIGNUM DOMNI CHUONRADI SERENISSIMI [monogramme] ET VICTORIOSISSIMI IMPERATORIS AUGUSTI.
l.12 HUGO CANCELLARIUS VICE DOMNI ARIBONIS ARCHIEPISCOPI ET ARCHICANCELLARII RECOGNOVIT [sceau].
l.13 Datum anno dominicae incarnationis MoXXVII, regni vero domni Chuonradi secundi regnantis III, imperii ejus primo, indictione X. Actum Rome. Feliciter.