Liébert, évêque de Cambrai, affranchit l'autel d'Angres de toute coutume et le donne à Notre-Dame pour le tiennent en viager l'écolâtreWerimbold et le chapelain Airoul, et après leur mort les chanoines de cette église.

l.1 [chrisme] LIETBERTUS, GRATIA DEI CAMERACENSIUM EPISCOPUS, SALUTEM ET PACEM OMNIBUS CHRISTI FIDELIBUS.
l.2 Qui vult cum Deo habitare immo ut et Deus secum habitet in sempiternum, bonas faciat vias suas et studia sua
l.3 secundum Hieremias vaticinium. Nos igitur quandiu in hac vita sumus audientes apostolum operemur bonum ad omnes
l.4 maximas autem ad domesticos fidei, et ad illos etiam qui sunt fideles et amici nostri. Si quis enim ut ait idem apostolus curam
l.5 suorum neglegit et maxime domesticorum, fidem denegat, et est infideli deterior. Ego igitur petitionem IIorum fidelium meorum, Werinboldi
l.6 scilicet scolastici et Airulfi capellani mei, haut contempnendum esse estimavi, postulantium a me ut altare de Angra ab omni con-
l.7-suetudine liberum et a persona et a redemptione facerem, et sanctae Dei genitricis Mariȩ pro animabus eorum traderem ita tamen ut in vita sua illud
l.8 tenerent. Sed pro eo unum pastum quotannis canonicis sanctae Mariae facerent. Quando autem alter eorum obiret, superstes illum pastum quem ambo
l.9 viventes facturi essent, in aniversario defuncti faceret. Postquam vero iste quoque defunctus esset, altare illud in usus canonicorum cederet, et
l.10 faceret inde elemosinarius per singulos annos canonicis pastus IIos, singulum scilicet in utrorumque defunctorum anniversario, et si quid residuum
l.11 haberetur, canonicis divideretur. Ego vero annuens petitioni eorum sicut fidelium sicut domesticorum, altare illud sanctae Mariae tradidi secundum modum
l.12 superius conprehensum. Ut autem haec carta rata et inconvulsa maneat, nostro sigillo est consignata, et bonorum
l.13 virorum subtersignatorum testimonio corroborata. [croix] Gerardi archidiaconi et prepositi. [croix] Mazelini archidiaconi. [croix] Iterum
l.14 Gerardi archidiaconi. [croix] Warmundi archidiaconi. [croix] Widonis archidiaconi. [croix] Franconis archidiaconi. [croix]
l.15 Sigerici archidiaconi.
l.16 ACTUM EST HOC ANNO DOMINICE INCARNATIONIS ILXXV INDICTIONE XIII REGNI VERO HEINRICI REGIS XXIIII
l.17 presulatus domni Lietberti episcopi XX. [sceau].

DUVIVIER (Ch.), Recherches sur le Hainaut ancien (Pagus Hainoensis) du VIIe au XIIe siècle, Bruxelles, 1865, n° 58.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 95.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 19, n° 16.