Louis le Jeune, roi, confirme à l'abbaye de Murbach l'exemption des droits de péage sur eau et sur terre, en particulier à Marsal et Iris.

l.1 [chrisme] IN NOMINE SANCTAE ET INDIVIDUAE TRINITATIS, HLUDOVUICUS, DIVINA FAVENTE GRATIA REX. SI LOCIS DEO DICATIS MORE ANTECESSORUM NOSTRORUM QUIDDAM CONFERIMUS, ID NOBIS AD AETERNAM RETRIBUTIONEM PROFUTURUM MANIFESTE CREDIMUS.
l.2 Quapropter noverit omnium fidelium nostrorum tam praesentium quam et futurorum industria, qualiter quidam venerabilis abba Fridericus ex monasterio quod dicitur Vivarium Peregrinorum, quod est situm in ducatu Alsacense super fluvium Muorbah, constru-
l.3-ctum in honore sancti Leudegarii et sancti Petri principis apostolorum vel sanctae Dei genitricis Mariae, detulit nobis auctoritatem, in qua continebatur, qualiter pii antecessores nostri concesserunt eidem monasterio vel monachis ibidem degentibus teloneum de navibus, quae per quaeli-
l.4-bet flumina discurrunt, necnon et de carris et sagmariis necessaria ipsius monasterii et congregationis ibidem Deo famulantis deferentibus sive in Marsal et in Iris vel ubicumque ierint negotiaverint aut vendiderint. Pro firmitatis itaque ratione postulavit jamdictus abba, ut antecessorum nostro-
l.5-rum morem sequentes hujuscemodi auctoritatis beneficium eidem concederemus monasterio. Cujus precibus ob amorem domini nostri annuentes hoc nostrae auctoritatis praeceptum fieri jussimus, per quod jubemus, ut nullus judex publicus vel quaelibet judiciaria potestas de navibus et carris sagma-
l.6-riis vel caeteris vehiculis necessaria ipsius monasterii deferentibus de quolibet commertio, undecumque fiscus teloneum exigere potest, ullum teloneum aut quaslibet exactiones vel occasiones aut ullum occursum vel ullum censum aut ullam reddibitionem quaerere aut exigere praesumat,
l.7 ubicumque infra regnum nostrum ad quascumque civitates castella portus pontes trejectus vel caetera loca accessum habuerint, sed licitum sit absque alicujus contrarietate vel detentione naves carra sagmaria et caetera vehicula et homines, qui ea praevidere debent, cum his quae defe-
l.8-runt, libere et secure ire et redire; et si aliquas moras causa emendi aut vendendi fecerint, nihil ab eis prorsus exigatur. Et ut haec auctoritas nostrae concessionis firmior habeatur et per futura tempora a fidelibus nostris melius credatur et diligentius observetur, manu pro-
l.9-pria nostra subter eam firmavimus et anuli nostri impressione assignari jussimus.
l.10 SIGNUM HLUDOVUICI [monogramme] SERENISSIMI REGIS. VUOLFHERIUS CANCELLARIUS AD VICEM LIUTBERTI ARCHICAPPELLANI RECOGNOVI ET (RUNN) [sceau].
l.11 Data idus septembrias, anno dominicae incarnationis DCCCLXXVII, indictione XII, anno tertio regni Hludovuici serenissimi regis. Actum Matra, in colloquio duorum fratrum. In Dei nomine, feliciter. Amen.

1

MÜHLBACHER (E.), Die Urkunden Pippins, Karlmanns und Karls des Grossen, Hanovre, 1906 (MGH Diplomata Karolinorum, 1), p. 346-347, n° 10.

BRUCKNER (Albert), Regesta Alsatiae aevi merovingici et karolini, 496-918, t. 1 : Quellenband, Strasbourg-Zurich, 1949, t. 1, p. 366, n° 602.