Liébert, évêque de Cambrai,donne à l'église de Cambrai les autels de Lessines, Ogy, Anderlecht, Isières et Maresches, une partie des alleux et des églises de Lessines et d'Ogy, éxonérés du droit d'avouerie ; il restitue le dixième du droit de monnayage et octroie le droit de gruterie à Cambrai.

l.1 LIETBERTUS, GRATIA DEI EPISCOPUS CAMERACENSIS, OMNIBUS FIDELIBUS CHRISTI PRESENTIBUS ET FUTURIS, SALUTEM ET PACEM
l.2 peculiarem hominibus bonae voluntatis. Quatinus bonis transitoriis et aeternis nulla sit ad invicem digna comparatio, sit tamen per
l.3 gratiam Dei ut pro transitoriis hujus mundi, caelestium bonorum adquiri valeat perpetua beatitudo. Scriptum est enim : Vendite quȩ possidetis et datȩ
l.4 elemosinam et habebitis thesaurum absconditum in cȩlis, et iterum : Facite vobis amicos de mammona iniquitatis, ut cum defeceritis reci-
l.5-piant vos in ȩterna tabernacula. His et aliis hujusmodi quampluribus exhortationibus delectatus, hereditates quȩ michi
l.6 remanserunt a progenitoribus, aeternas Deo donante mihi facere disposui, quatinus eas centuplicatas et nostram aeternam insuper recipere
l.7 possimus in caelis et mecum pariter antecessores mei. Pro salute igitur animae meae et parentum meorum trado ad
l.8 altaria sanctae Dei genitricis ac virginis MARIAE Cameracensis aecclesiae tertiam partem totius alodii de Lossinis cum VIta parte aecclesiae et altari toto
l.9 ad usus videlicet canonicorum ibidem servientium, jus habeant et teneant in perpetuum. Preterea mediam partem totius alodii de Ogeio cum alta-
l.10-ri ac dimidia ȩcclesia trado similiter sanctae Dei genitrici MARIAE in usus mensae ipsorum canonicorum. Altare etiam de ANDRELECH cum appenditio suo
l.11 do de illi ecclesia. Altare de Yseri. Altare de Matricio cum Arira suo appenditio. Decimam insuper monetae quae data est canonicis ab ipso Ottone impe-
l.12-ratore, sed eam non receperant jam ex multo tempore, reddo ipsis canonicis, et matheram civitatis preterea, quae post mortem CLA-
l.13-REBOLDI archidiaconi meo juri cessit. Haec omnia trado sanctae Dei genitrici MARIAE ad usus canonicorum, ea ratione, ut
l.14 inde reficiantur in refectorio in dominicis diebus totius anni, et in crastinum, id est in secundis feriis missam concelebrent communiter pro
l.15 anima mea et pro cunctis fidelibus defunctis. Supplico igitur et obtestor successores nostros in Domino Jhesu, ut hereditatibus meis
l.16 quas in hac karta conscripsi nullum advocatum superponant, sed ipsi per seipsos si aliquando opus est, eas regant et defendant.
l.17 Quicumque autem de his omnibus quȩ huic kartae contuli subripere aut subtrahere, quod absit, aliquid voluerit, aut advocatum he-
l.18-reditatibus meis imposuerit, sit anathema maranata id est alienatus a consortio Dei. Ut autem hoc factum ratum ma-
l.19-neat et inconvulsum, bonorum virorum tam clericorum quam laicorum subsignatorum testimonio corroboravi, necnon et sigilli mei
l.20 impressione consignavi. Signum Gerardi archidiaconi et prepositi. Signum Mazelini archidiaconi. Signum Gerardi Atrebatensis archidiaconi. Signum Warmundi archidiaconi.
l.21 Signum Franconis archidiaconi et decani. Signum Widonis archidiaconi. Signum Sigerici archidiaconi. Signum Oilardi casati. Signum Fulchonis casati et vicedomini. Signum
l.22 Johannis casati. Signum item Johannis casati. Signum Amulrici casati. Signum Lietvulfi casati. Signum Heriberti casati.
l.23 ACTUM EST HOC ANNO AB INCARNATIONE DOMINI ILXXVto INDICTIONE XIII REGNI HEINRICI REGIS ANNO XXIIII PRESULATUS MEI XXIII.
l.24 [sceau].

LE GLAY, Glossaire topographique de l'ancien Cambrésis, Cambrai, 1849, p. 12-14, n° 8.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 93-94.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 19, n° 15.