Louis le Pieux, empereur, confirme au prieuré Saint-Martin d'Arles qu'il avait déjà donné à l'abbaye d'Aniane, la villa Massacia, soit 40 manses.

l.1 IN NOMINE DOMINI DEI ET SALVATORIS NOSTRI JHESU CHRISTI, HLUODOVUICUS, DIVINA ORDINANTE PROVIDENTIA IMPERATOR AUGUSTUS. CUM LOCIS DIVINO CUL-
l.2-tui mancipatis ob divine servitutis amorem quiddam conferimus, et imperialem morem decenter implemus, et id nobis profuturum ad aeternȩ remunerationis
l.3 prȩmia capessenda veraciter credimus. Idcirco noverit omnium fidelium nostrorum prȩsentium scilicet et futurorum sollertia, quia nos divino amore
l.4 succensi olim per nostrorum praeceptum tradidimus quandam cellam propriaetatis nostrae, sitam infra muros Arelatensis civitate, constructam in
l.5 honore sancti Martini confessoris Christi, cum rebus et mancipiis ad se aspicientibus vel pertinentibus monasterio Anianense, quod est dicatum in honore domini et salva-
l.6-toris nostri Jhesu Christi et sanctȩ Mariae semper virginis, situm in pago Madalonense. Et nunc placuit nobis, pro remedio animae nostrae, ut pius Dominus pec-
l.7-caminum nostrorum maculas tergere et supernis civibus adscisci dignetur, quandam villam juris nostri quae dicitur Massacia cum appendi-
l.8-ciis suis, habentem plus minus mansos quadraginta, quae est ex ratione praedictae cellȩ Sancti Martini, non solum eidem cellȩ reddere, sed etiam
l.9 liberalitatis nostrae munere per hos imperiales apices nostros ibidem confirmare, quatenus eadem cella cum praedicta villa perpetim in jus et domi-
l.10-nationem praefati monasterii Anianensis eorumque rectorum persistat. Hanc vero villam, cum omnibus ad se praesenti tempore juste et legaliter
l.11 aspicientibus vel pertinentibus, cum domibus, aedificiis, eclesiis, mancipiis utriusque sexus, terris, vineis, pratis, silvis, pascuis, aquis aquarumve
l.12 decursibus, molendinis, perviis, exitibus et regressibus, vel quantumcumque ad eam moderno tempore aspicere videtur et nostri juris atque
l.13 possessionis jure propriaetatis est, totum et ad integrum vel inexquisitum praedicte celle Sancti Martini et monasterio Anianensi per hanc
l.14 nostrae auctoritatis donationem donamus atque tranfundimus. Ita videlicet ut quicquid rectores et ministri praefati monas-
l.15-terii Anianensis ob utilitatem et profectum praedicti monasterii facere voluerint, libero in Dei nomine perfruantur arbitrio faciendi.
l.16 Et ut haec auctoritas per futura tempora inviolabilem obtineat firmitatem, eam manu propria subter firmavimus, et anuli nostri inpres-
l.17-sione signari jussimus. Signum [monogramme] Hludovuici serenissimi imperatoris. Durandus diaconus ad vicem Fridugisi recognovi [ruche].
l.18 Data IIII idus marcii, anno Christo propitio, VII imperii domni Hludovuici piissimi augusti, indictione XIII. Actum Aquisgrani palatio regio. In Dei
l.19 nomine, feliciter. Amen.