À la suite d'une querelle entre l'abbaye de Lérins et les milites castri de Briançon, un arbitrage des évêques de Glandèves et d'Antibes confirme que Hugues et Abellonius ont donné à l'abbaye de Lérins trois manses avec les hommes et les femmes qui y demeurent.

l.1 Querimoniarum Lyrinensium monachorum adversus milites Briancionenses ex honore quem Constantinus filiique sui,
l.2 videlicet Ugo et Abellonius Sancto Honorato dederunt talis concordia fuit: Quod predicti milites ecclesiam Sancti
l.3 Saturnini et terram que in circuitu est, sicut carta in qua ipsa donatio jamdicti Constantini filiorumque ejus scripta testatur,
l.4 ex toto reliquerunt domino Deo et beate Marie sanctoque Honorato, et Garino abbati et monachis Lyrinensibus tam presen-
l.5-tibus quam futuris, cum hominibus et mulieribus, ut libere possideant et quodcumque inde facere voluerint faciant.
l.6 De partibus autem Ugonis et Abelloni que Briansionensi jure hereditario contingebant, tres mansos
l.7 reliquerunt, scilicet ex parte Ugonis mansum Petri Coce integrum cum ominibus et feminis, sicuti erat
l.8 quando Ugo illum donavit Sancto Honorato, et ex parte Abellonii mansum Petri Johannis similiter integrum cum
l.9 hominibus et feminis, sicut Abellonius Sancto Honorato tribuit et mansum Jagat totum integrum cum hominibus et mulieribus, et si aliquid minuerint, restituere debuerunt,
l.10 insuper III modiatas, valentis terre in dominio dare debuerunt et alia omnia que in castello Briancionensi
l.11 monachi adquisierint, in decimis scilicet, in campis, in vineis et in ortis et in omnibus salva habere debuerunt, et alia omnia
l.12 supradictorum virorum ad fidelitatem et servicium Lyrinensium monachorum per manum abbatis acceperunt, et hoc tali modo abbas et monachi fecerunt quod nisi
l.13 ipsi milites predictum placitum tenuerint, omnia que fuerunt Ugonis et Abellonii recuperare possint.
l.14 Facta est hec concordia in presentia domni Imberti Glandetensis episcopi, et Mainfredi Antipolitani
l.15 pontificis, in mense julio, feria V, luna XXIIII. Raimundus Dodo testis, Gaufredus frater ejus testis, Aldebertus de
l.16 Mugulo testis, Guillelmus de Rilana testis, Guillelmus Junamus testis, Bertrannus de Ubraia testis, Martellus testis,
l.17 et alii quamplures monachi et milites.