Bertrand, évêque de Riez, et Riculfe, prêtre, donnent l'église Notre-Dame du château de Moustiers, et l'église Sainte-Croix aux clercs qui vivaient là au service de Dieu.

l.1 Institucionum legalium documenta suis asertionibus sanexerunt et kanones ȩcclesiasticorum dogmatum confirmaverunt et cujuscumque rei
l.2 donatio litterali prȩtitulacione insigniretur, et testium munitione firmaretur quatenus contra obloquentium verbositates
l.3 perpetuam optineret firmitatem, et per succedentia curricula temporum inviolabile possit admittere supplementum.
l.4 Quocirca jussionibus antiquis oboedientes et preceptis legalibus parere cupientes, ego dispositione Dei Bertrannus Regen-
l.5-sis episcopus et Riculfus presbiter cum consilio kanonicorum Sanctae Mariȩ et Sancti Maximi una pro Dei timore et liberatione animarum nostrarum ut nobis
l.6 pius dominus veniam peccaminum largire dignetur, concedimus clericis Deo servire volentibus et kanonicali regulae colla submittere
l.7 cupientibus, aliquid de rebus nobis commisse aecclesiȩ, videlicet aecclesiam Sanctae Mariȩ que videtur esse fundata in castro quod Monasterium dicitur
l.8 cum omnibus quȩ Riculfus presbiter tenere videtur in decimis et primiciis et cimiteriis et oblationibus ut clerici qui in ipsa ȩcclesia regulariter vivere
l.9 decreverint, absque inquietudine teneant et possideant et successores illorum in perpetuum nostra auctoritate muniri.
l.10 Ecclesiȩ quoque Sanctȩ Crucis cum medietatem oblationum et medietate cimiteriorum et ea parte decimarum que Riculfo presbitero attinere videtur supra-
l.11-taxatis kanonicis eadem ratione concedimus. Riculfus vero presbiter pro amore Dei et tremore futuri examinis et liberatione animarum patris
l.12 et matris seu propincorum parentum, se ipsum in consorcio prelibatorum clericorum conferens atque cum eis unanimiter vivere cupiens, quicquid
l.13 sibi in patrimonio successionis inesse videtur suam fraternam hereditatem in commune ȩcclesiȩ et clericis condonavit, in terris cultis et incultis, vineis,
l.14 arboribus, ortis, pratis, molendinis. Videtur autem esse ipsa hereditas in terminio castri Monasterii, in comitatu Regensi, et quicquid per diversa
l.15 [loca attinere seu pertinere videtur ipsi Riculfo totum et ab integro] suprataxate ȩcclesiȩ et fratribus tradidit.
l.16 Rogo sanctissimos successores nostros ut hanc communem vitam quam dominus cordibus clericorum infundere dignatus est seu succedentibus per gratiam sui spiritus
l.17 inmissurus est nullo modo pertubari sinant neque paciantur ab aliquo molestari hanc vero donationem supradictȩ Sanctae Mariȩ collatam nullus hominum
l.18 tollere seu alienare presumat, quod si presumpserit iram et maledictionem Dei omnipotentis incurrat, anathematizetur a beata Maria et a sanctis apostolis
l.19 Petro et Paulo atque Andrea et omnibus sanctis et cum Juda traditore dampnetur in infernum. A nostra quoque parte sciat se excommunicatum
l.20 et maledictum nisi ad emendationem venerit. In vinculo vero auri optimi libras V conponat et deinceps hȩc donatio
l.21 perpetuam optine at firmitatem.
l.22 Facta carta ista in castro quod dicitur Monasterium, anno ab incarnatione Domini nostri Jhesu Christi millesimo quinquagesimo secundo,
l.23 indigcione tercia.
l.24 Signum domni Bertranni episcopi qui faciens hoc donum testibus insigniri jussit firmum sua manu.
l.25 Signum domni Riculfi presbiteri qui firmans hanc donationis cartam testes adesse rogavit.
l.26 Poncius presbiter scripsit.