Hildebert, évêque d'Antibes, donne à l'abbaye de Lérins des biens et terres situées à Vallauris, Revest, Pierrefeu et l'église Saint-Honorat d'Arluc.

l.1 Divina inspirante clementia placuit et placet animo meo pro redemptione animȩ meȩ et parentorum meorum de rebus meis et aecclesiis episcopatus mei
l.2 dare aliquid Deo, et sanctis ejus, cunctisque monachis in Lyrinense monasterio Deo militantibus, presentibus et futuris. Quod firmiter credo divina dispositione ordi-
l.3-natum teste psalmista qui ait: Nisi misericordia domini praeveniat et subsequatur unumquemque hominem, nemo potest aliquid boni agere, aut salvari,
l.4 et alibi scriptum est: Spiritus ubi vult spirat, et vocem ejus audit. A quo ego Heldebertus, gratia Dei Antipolitanus episcopus non dubito esse tactus, unde accidit animo
l.5 meo hȩc dare domino Deo. Sana namque mente domino disponente, et integro consilio concaedo jurȩ proprietario supradicto monasterio, totius Vallis
l.6 Auree dominium cum omnibus pertinentiis suis quas hibi sive ex parte aepiscopatus, sive ex meo jure, vel quocumque ingenio videor habere et retinere, cum
l.7 [aecclesiis] et his quȩ ad ipsas pertinent aecclesias. Cui Valli Aureȩ, a meridiae mare [terminum] facit, et usque fornellum in septentrione distenditur, ex orientali vero
l.8 plaga a Lacu Viridis incipit, et in occidente usque ad terminum Mugini se porrigit. Simili modo etiam dono in alio loco, qui vulgo dicitur Revestis sive
l.9 Petrefocus, totam illam partem quam hibi videor habere, cum parochia ipsius loci, et his omnibus, quȩ ad ipsam pertinent partem sive parochiam. Sub eadem
l.10 vero conditione tribuo in alio loco qui vocatur Aureus Locus aecclesiam Sancti Honorati cum omnibus his quȩ ad ipsam attinent aecclesiam. Hec omnia deinceps volo
l.11 et firmiter opto, ut propriam habeant potestatem supradicti monachi, tam presentes quam futuri, in eodem monasterio Deo servientes, in perpetuum tenendi, pos-
l.12-sidendi, ordinandi, atque fruendi. Hanc igitur donationem omni tempore validam, stabilemque volo esse et firmam. Unde me meosque heredes ac
l.13 successores hac poena constringo, ut si quis nostrum per se aut per submissam personam hanc donationem irrumpere aliqua fraude temptaverit, per sola
l.14 prȩsumptione C librarum auri pȩnam exsolvat, et mille argenti et gladio excommunicationis mulcetur usque ad congruam emendationem, et in sua insuper
l.15 firmitate donatio ista firma et stabilis permaneat. Facta igitur hujus donationis carta in Antypolis civitatis foro, Vto id. decembris, anno do-
l.16-minicȩ incarnationis millesimo tricesimo octavo, et epacta XII, inditione vero VI, regnante Romanorum Chonone imperatore.
l.17 Heldeberti S. qui hanc donationem scribere jussit, et manu sua firmavit, et testes firmare rogavit, atque coram subscriptis testibus domino Deo sanctisque ejus in perpetuum do-
l.18-navit. Wilelmus frater ipsius firmavit et testes similiter firmare rogavit, et Fida uxor ipsius Wilelmi firmavit. Stephanus maior canonicus firmavit. Poncius canonicus firmavit.
l.19 Et alius Poncius canonicus firmavit. Rostagnus presbiter et canonicus firmavit. Wido presbiter et canonicus firmavit. Wido presbiter et canonicus firmavit. Rodulfus diachonus firmavit. Ugo de Caliano firmavit. Dalmatius filius Rodoardi firmavit.
l.20 Wilelmus de Area firmavit. Isnardus et Laugerius filii Adalende firmaverunt. Ugo Rabia firmavit. Isnardus filius Truanni firmavit. Gaucerannus privinnus Warnerii firmavit et ipse
l.21 Warnerius firmavit. Rainerius firmavit. Raimundus firmavit. Durantus firmavit. Sobbo firmavit. Poncius marinus firmavit. Ugo Laudutius firmavit. Petrus firmavit. Rolannus frater ejus firmavit. Stephanus presbiter
l.22 de Graulerias firmavit. Arnaldus presbiter firmavit. Petrus de Gordone firmavit.
l.23 Leo qui hȩc quȩ superius scripta sunt domino Deo in quantum potuit, adquisivit, manu sua firmavit, et suprascriptos testes firmiter et volenter absque ulla violentia firmare
l.24 rogavit.
l.25 MAINFREDUS SCRIPSIT.

Citations: l. 3: Psalm. 88, 15; l. 4: Joan. 3, 8.

MORIS (Henri) et BLANC (Edmond), Cartulaire de l'abbaye de Lérins, 2 vol., Paris, 1883-1905, t. 1, p. 116-118, n° 131.

DOUBLET (Georges), Recueil des actes concernant les évêques d'Antibes, Monaco, 1915, p. 27-30, n° 29.