Lietbert, évêque de Cambrai, fonde au Saint-Sépulcre de cette ville un monastère et établit sa dotation.

l.1 [croix] IN NOMINE PATRIS ET FILII ET SPIRITUS SANCTI. LIEBERTUS CAMERACENSIS AECCLAESIAE EPISCOPUS, DILECTIS SUCCESSORIBUS
l.2 suis episcopis, et omnibus Christi fidelibus prosperos utriusque vitae successus. Temporibus predecessoris mei domni videlicet Gerardi sanctae memoriae episcopi exorta fa-
l.3-mes in regionibus nostris adeo invaluit [ut] morientium corpora capere non valerent aecclesiastica cymiteria Cameracensis urbis. Incidit igitur huic predecessori meo rationa-
l.4-bile consilium, ut extra muros civitatis [fodere] faceret poliandrum, quod receptui foret tot corporibus condendorum pauperum. Juxta quem locum aecclesiam postea in honore
l.5 dominici Sepulchri consecravit, eamque et terris et familia dotavit, ut propter reverentiam tanti nominis sepultura ibi esset pauperibus et peregrinis. Hanc autem aec-
l.6-clesiam amplificare congrua dispositione conabatur, nisi senio jam pressus post multa preclara opera morte intercedente prohiberetur. Ego itaque Lietbertus qui ei suc-
l.7-cessi tanto et tali animatus exemplo, in predecessoris mei primitias laboraturus introii, et quoniam [parva] erat juxta aecclesiam illam monasterium ampliori scemate edificavi, ip-
l.8-sumque in honore domini nostri Jhesu Christi et sancti Sepulchri ejus et sanctae Dei genitricis Mariae Omniumque Sanctorum [Dei] consecravi, edificatoque in claustro cum ceteris officinis abbatem [et monachos]
l.9 eidem loco assignavi. De rebus ergo possessionis meae imperiali concessu, et pontificali donatione ecce coram Deo et presentibus testibus istud doto monasterium ad usus [illorum qui]
l.10 ibi Deo famulaturi sunt, hoc est in suburbio Cameracȩ civitatis abbatia sancti Martini quicquid in manu mea est. Paroechiales quoque duae aecclesiae sancti Georgii et sanctae Mariae Mag-
l.11-dalenȩ altaria cum aecclesiis. Minutum theloneum, cambȩ et plura curtilia cum districto toto, et terrȩ arabiles circa Cameracum quas decambiavi ab abbate Waldrico sancti Andreȩ apostoli
l.12 cum aliis pluribus. In eodem Cameracensi suburbio molendinum unum; alterum et dimidium apud Villam Puerorum cum districto. Item aliud apud Nigellam cum districto. Concedo etiam omnem
l.13 piscationem quȩ continetur inter duo priora molendina. In pago Cameracensi villam omnem sancti Hylarii cum aecclesia et altari. De villa Rotlancurt tertiam partem; aecclesiam de Salegio
l.14 cum altari; aecclesiam de Tuin cum altari; altare de Maineriis. Ad Relincurt curtilia et terre arabiles. Ad Blahircut due partes unius cambe, curtilia, et terra arabilis. In Bantineis,
l.15 Hera, Rameliis, Morenceis, Collerio, Ollevilla, Solobria, Marconio, et apud Veteres Lis, curtilia, et terrȩ arabiles. Apud Busserias mansus unus cum districto et terra arabilis. Dimidium
l.16 predium de Gatineis. In pago de Hainau Villerellum totum et ecclesiam et altare, liberrimum ab omni exactione preter XII denarios. Terram quoque de Vehut cum districto to-
l.17-to. In Bracbatensi pago ecclesiam de Melin. Item villam que vocatur Nivuehova et ȩcclesiam [et altare] liberum ab omni debito preter XII denarios. In pago [Lethgii] al-
l.18-tare de Villanis. De his itaque privilegium fieri precepi, et propria manu firmavi. Quod quidem ut firmum atque inconvulsum in perpetuum [maneat]
l.19 precatu meo et obtentu regalis impressione sigilli roboratum est atque signatum [monogramme].
l.20 Vos itaque successores mei pontifices rogo et obsecro in nomine Domini nostri Jhesu Christi redemptoris et salvatoris nostri, ut pro ejus amore huic incepto operi misericordiȩ vestrae [manum] por-
l.21-rigatis, ut quemadmodum ego cum antecessore meo desideratam excepto mercedem, sic et vos pro tali opere ad aeternam requiem pervenire mereamini post laborem.
l.22 Quicumque ergo huic coenobio de concessis et concedendis aliquid subripere voluerit et regiae firmitati contraire temptaverit, hic a corpore et sanguine Domini et commu-
l.23-nione pacis alienus fiat, et nisi resipuerit, et ad satisfactionem venerit, aeterne maledictioni cum diabolo et angelis ejus dampnandus sine fine subjaceat.
l.24 Ad hujus vero privilegii tenorem inviolabiliter conservandum, testes idoneos precepimus subtitulari. Signum Walcheri archidiaconi. S. Gerardi prepositi et archidiaconi.
l.25 S. alterius Gerardi archidiaconi. S. Franconis archidiaconi. S. Warmundi archidiaconi. S. Widonis archidiaconi. S. Cristiani militis. S. Johannis militis. S. alterius
l.26 Johannis militis. S. Eilberti militis. S. Herivuardi militis. S. Amolrici militis. S. Heriberti militis. S. Vuidrici militis. S. Rotberti militis.
l.27 ACTUM EST HOC CAMERACI IN EODEM MONASTERIO SANCTI SEPULCHRI ANNO AB INCARNATIONE DOMINI IoLoXIIIIo [indictione IIa],
l.28 REGNANTE HEINRICO REGE LOTHARIENSIUM ANNO XIo, EPISCOPATUS VERO DOMNI LIETBERTI XIIII.
l.29 Parvinus notarius et monachus scripsit. [sceau]. Werinbaldus cancellarius recensuit.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 3, col. 118-119.

GAWLIK (A.) Analekten zu den Urkunden Heinrichs IV., dans deutsches Archiv für Erforschung des Mittelalters, 31 (1975), p. 370-419, p. 416-419.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 75-76.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 18, n° 3.