Robert déclare avoir reçu du chapitre St-Amé de Douai un alleu à Lothes, pour lui et un héritier, contre un cens annuel de 24 sous.

l.1 [chrisme] IN SANCTȨ ET INDIVIDUȨ TRINITATIS PERFECTO NOMINE QUICQUID UTILITATIS
l.2 ab omnibus rationis capacibus gerendum et corroborandum est stabilitatis rectitudine necesse est
l.3 ut ejusdem nominis advocatione sub auctorum testimoniis litterarumque stabilitetur inreprehensibili
l.4 auctoritate, apudque veracissimos divulgetur ne destruatur, vel immutetur ab infidelibus. Quare
l.5 presentes absentesque etiam quique futuri sciant fideles, quod domnus Azo sancti Duacensis Amati prȩpositus
l.6 ejusque canonici me Rotbertum quendam alodum, quem apud Lothas habebant tenendum spopon-
l.7-derunt communiter. Ego siquidem pro concessione ejusdem alodi quaque festivitate sancti Amati,
l.8 quȩ cȩlebratur XIIII kalendas novembris me illis prebiturum XXIIII soldos denariorum asserui.
l.9 Nec constat reticendum quod post me I solummodo heredi dictum alodum eodem pacto quo
l.10 michi scilicet quoquaque jamdicta festivitate XXIIII soldos tribuat similiter annuerunt.
l.11 Tandem vero hoc secundo herede perempto ad primam manum redeat idem bonum. Actum est hoc
l.12 apud Duacum anno Domini incarnationis MLI VI kalendas mai, inditione IIII, regnante rege
l.13 Henrico anno XXI. Ne hȩc nostra constitutio ab aliquo pravissimo destruatur vel immutetur
l.14 hec karta nostro jussu scribitur, quin meo seniore Balduino comite confirmatur
l.15 testibusque his legaliter signatur. [colonne1] Signum Balduini comitis. Signum Balduini ejus filii. Signum Rotberti istius fratris. Signum Eustachii comitis. [colonne2] Signum Hugonis. Signum Walteri castellani. Signum Hugonis ejus fratris. Signum Rotberti militis. [colonne3] Signum Wangonis. Signum Garderi. Signum Gontardi. Signum. Wicardi. [colonne4] Signum Azonis prepositi. Signum Morardi. Signum Tietberti. Signum Rozelini. [chrisme].

DESPLANQUE (A.), Cartulaire du Nord de la France. Recueil des chartes les plus anciennes qui reposent aux Archives départementales du Nord, Lille, 1868, n° 269, p. 73-74.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 71.