Gui de Scurralia et son frère Raoul abandonnent à l'église cathédrale de Clermont et à l'évêque Guillaume, leur château de Scurralia. Le château leur est rendu sous serment, à condition que l'évêque puisse en disposer chaque fois qu'il le souhaite.

l.1 Quicumque honores, divicias, pecunias hoc in
l.2 mundo possident, si rationis lumen sequantur, ea cuncta
l.3 quasi umbratica et velut fumum evanentia considerant,
l.4 sed ut in aeternum ea retineant, Dei aecclesias et ejus sanctos, eorumque
l.5 cultores et servitores pro se intercessuros sibi facere hȩredes
l.6 elaborant. Qua consideratione ducti et rationis lumen sequentes
l.7 Guido de Scurralia et frater ejus Radulfus, concesserunt et
l.8 dederunt suum castrum videlicet Scurraliam in alodium beatȩ
l.9 Mariȩ et matris Arvernorum aecclesiȩ sanctisque martyribus Agricolȩ et Vitali
l.10 inibi cultis et veneratis et Vilelmo episcopo et successore Duranti beatȩ memoriȩ viri, suisque canonicis tunc temporis
l.11 presentibus, et post illos similiter usque in finem eis sucessuris. Quo castro ita concesso
l.12 et ita ab eis dato, acceperunt illud a manu Vilelmi episcopi et juraverunt ei
l.13 sicut a fidelibus possessoribus castri vel custodibus castrum jurari debet, fideliter suo
l.14 seniori, scilicet ut quotienscumque eos moneret et ab eis quereret Vilelmus episcopus ut
l.15 sibi castrum redderetur, sine obstaculo et contradictione illud ei redderent, et ipse
l.16 in eo hospitaretur, munitionem, fortitudinem, qualiter sibi placeret inibi poneret, et illud sicut
l.17 suum disponeret atque tractaret, et post hoc totum, concesserunt et dederunt ei
l.18 unam propriam domum, infra castrum, et qua conditione, quo pacto presentes Guido et
l.19 Radulfus presenti Vilelmo episcopo cui primitus hoc factum est, fecerunt et juraverunt, similiter successoris
l.20 episcopis hoc fecerunt, ut et successores sui scilicet Guidonis et Radulfi aliis omnibus successoribus Vilelmi
l.21 similiter facerent et si quis ei castrum auferret vel tolleret sicut sui per hominium et fideli-
l.22-tatem eum inde fideliter juvarent donec illud recuperaret, et inantea similiter per fidem et absque fraude
l.23 ei tenerent. Insuper etiam malas consuetudines quas per invasionem et injusticiam et vim suam in terra
l.24 Aureliacensis abbatiȩ et prioratus Mauriacensis tenuerant, ex toto in manu ejus dimiserunt
l.25 ut ulterius jam eas non expeterent. Hoc autem est factum et adnotatum mense decembri, III feria, luna
l.26 IIIIX, domno pappa secundo Urbano Romanȩ aecclesiȩ presulante, et rege Philipo Phrancorum
l.27 regnante, et eodem Vilelmo supradicto Arvernis canonice episcopante, et hujus facti
l.28 testimonii faciunt signum Asselmus decanus ejusdem aecclesiȩ Claromontensis, et Petrus
l.29 de Ponte Gibaldo, et duo Vilelmi de Ernione aliique pleri canonici, laici vero
l.30 Petrus de Salern, et Armandus de Mauriaco, et duo Alduini fratres, et Bertrandus
l.31 Hicterius, et Amblardus de Nonede comitor, et Gulferius de Jalineic, et Mauricius de Marenciaco, et alii quam multi
l.32 barones atque quam multi homines mediocres.