Anselme dit d'Olbi, clerc et chanoine de la cathédrale de Clermont, fit construire une chapelle dédiée à saint Nicolas à côté du réfectoire des chanoines, et la donne aux chanoines avec 400 sous. Les chanoines lui accordent une prébende canoniale ainsi qu'au prêtre Ada desservant la chapelle Saint-Nicolas.

l.1 TEMPORIBUS igitur domni Duranti Arvernensis episcopi, clericus quidam et canonicus Arvernensis ȩcclesiȩ, fidelis Dei servus et prudens nomine Asselmus, cognomento Olbiensis, postquam
l.2 regressus est facra oratione a Sancto Nicolao de Barro, dixit se edificaturum quandam capellam hoc est ȩcclesiam ad pinnam refectorii Clarimontis in honore beati Nicolai ad immolandum sive
l.3 sacrificandum in ea inmaculatas atque Deo acceptabiles hostias pro remedio ac redemptione animȩ suȩ et proprie patris sui ac matris parentumque suorum. Quid morarer ver-
l.4-bis ? Quod predixerat verbo postmodum Deo juvante ipse complevit facto. Statim autem eandem ȩcclesiam simul cum mansione quȩ est juxta eam a parte septentrionis, et omne quod ibi
l.5 edificaturus erat vel adquisiturus inantea dedit beatȩ Mariȩ et sancto Nicolao atque canonicis sedis Arvernȩ in commune, tali etenim tenore, ut post ejus obitum nullus clericus
l.6 vel laicus suȩ progeniȩ aut consanguinitatis aliquomodo inibi hereditet nec permaneat, sed in comune canonicis habeatur. Dedit etiam postea eis CCCCgentos solidos fortis
l.7 monetȩ qui mererentur in adquisitionem terrȩ, ad opus cujusdam capellani, cui canonici darent canoniam quandam absque alio precio ac semper possideret eam sicut ceteri canonici,
l.8 et successores capellani post eum. Quamobrem canonici zelo Dei commoti, ex bono affectu supradicti Asselmi, cuidam clerico quem ille providentur elegit nomine Adȩ digno et
l.9 idoneo ad presbiteratus officium, gratis quandam dederunt prebendam hoc est canoniam, qui sepissime decantaret missas, ac debitas laudes gratiarumque actiones ad Dominum pro Asselmo
l.10 funderet, ac pro animae patris sui vel matris suȩ, et pro vivis ac mortuis ipsius parentibus, necnon pro cunctis Arvernicȩ sedis congregationis qui ad hoc seculo discesserunt
l.11 confratribus. Sciendum [...] quia tali conventu canonici dederunt illam canoniam Adȩ presbitero, ut semper sit capellanus in comune, et custos ȩcclesiȩ sancti Nicolai ac domus supra-
l.12-dicte ad eorum servicium. Similiter vero alii capellani qui venturi sunt post ipsum dehinc etenim domnus Durantus episcopus et omnes canonici firmiter statuerunt, et Deo votum
l.13 inde fecerunt, quod numquam illam ȩcclesiam neque capellaniam, neque domum, neque aliqua eis pertinencia alicui personȩ darent aut commendarent, timore, vel amore, aut munere
l.14 nisi humili atque habili personȩ, qui semper Deo dignas offeret super altare sancti Nicolai hostias pro peccatis vivorum ac mortuorum, deinceps stabilierunt, ut ille capellanus
l.15 nullum generale officium in ipsa capela celebraret vel faceret, antequam ministerium quod debet fieri a capellano majoris ȩcclesiȩ efficeretur, excepto in festivitatibus sancti Nicolai
l.16 et in dedicatione ipsius ȩcclesiȩ ad ultimum statuerunt et concesserunt Asselmo ut post ejus obitum ac post mortem ipsius capellani si ipsi controversia aut aliqua ira, seu quod vellent ȩcclesiam
l.17 sancti Nicolai tenere in dominio cum omnibus ei pertinentibus, infra spatium sexaginta dierum capellanum non eligerent, si inveniri posset competens ad statutum ministerium perficiendum, quod paren-
l.18-tes et cognati Asselmi, hanc donationem et beneficium ilico calumpniarent ac requirerent. Quicumque vero hanc convenientiam alio modo inquietare voluerit, aut retroverti
l.19 temptaverit, in perpetuum anathema maranata sit, et cum Juda proditore in inferno inferiori demergatur et collocetur. Amen. Amen. Fiat. Fiat.
l.20 S. Duranti episcopi. S. Hugonis prepositi. S. Attonis abbatis. S. Hugonis decani. S. Wilelmi decani Camaleriensis. S. Rotberti Portuensis
l.21 decani. S. Asselmi qui hoc fieri jussit. S. Wilelmi Ernionensis. S. multorum clericorum et canonicorum quorum nomina tedium est nominare. S. Wilelmi comitis.
l.22 Facta ista carta mense junio, feria III, luna VIII, regnante Philipo Francorum rege. Petrus scripsit.