Bref des donations et de l'arrangement passés entre Gérald et Hugues de Mortasagnia, et les chanoines de la cathédrale de Clermont. Gérald et son frère Hugues donnent des champs, des vignes, des prés et des faucheurs. Les chanoines accordent une prébende canoniale à Gérald, divers bénéfices et revenus d'aumônes à Hugues, et promettent que tous deux seront inhumés avec honneur.

l.1 Breve memoriale de donatione vel conveniencia quam canonici
l.2 Arvernȩ sedis et Geraldus de Mortasagnia et Hugo frater ejus ad invicem
l.3 habuerunt et fecerunt. Geraldus igitur de Mortasagnia volens se junge-
l.4-re consorcio vel fraternitati canonicorum, et Deo promitente dedit de suis
l.5 rebus beate Mariȩ et canonicis cum voluntate et concessione Hugonis
l.6 fratris ejus, hoc est campum unum de sex sextariadis cum decimo qui est
l.7 ad Auriam Vallem, fines habet ex uno latere viam publicam, ex duobus la-
l.8-teribus terram beatȩ Mariȩ. Et in ipsa cultura videlicet Auriȩ Vallis
l.9 donavit unam vineam de sexdecim operibus cum gardis quam laborant duo vi-
l.10-neatores. In alio autem loco dedit vineam unam de octo operibus quȩ est
l.11 ad solarium. In cultura vero de Signiaco donavit unum pratum de octo
l.12 secturiadis, fines habet ex uno latere pratum Petri Sancti Cassii
l.13 et ex alio latere pratum Folconis de Proliac. In burgo namque prepo-
l.14-sitale dedit sex fenatores, primum scilicet in domo Guidonis de
l.15 Rabanessa, secundum in domo Geraldi Caledonio, tercium in domo Geraldi Caledonio, tercium in domo Stephani
l.16 Medici, quartum in domo Johannis Machiasbovem, quintum in domo Ber/-
l.17-nardi Bochiali, sextum in domo Guilelmi Galterii. In domo igitur Cos-
l.18-tavoli donavit sex denarios et eminam Palmolȩ in mense marcio. Cumque
l.19 vero Geraldus hoc fecisset ac canonici vidissent eum humiliantem et tri-
l.20-buentem eis largiter de suis rebus, dederunt ei canonicam unam videlicet pa-
l.21-nem et vinum ac pulmentum sicut habet unusquisque canonicorum, et junxerunt
l.22 eum societati vel fraternitati eorum. Hugoni autem fratri ejus eo quod fecit simul
l.23 cum eo hanc donationem et convenienciam, dederunt et concesserunt misericorditer
l.24 beneficia ipsorum loci, et elemosinarum partes. Deinde convenencia
l.25 vero ei ut cum obiret eum onorifice procurarent et sepelirent. Audi-
l.26-ens autem istud Hugo suprascriptus donum et convenenciam gratulabunde
l.27 a canonicis suscepit, et iterum donavit vel dimisit eis post mortem
l.28 suam de suis rebus, scilicet unam vineam de sex operibus ad Crudiliam quam habu-
l.29-it Jordanus, et in cultura de Cuciaco unum campum de duobus sextariadis.
l.30 Tali etenim conveniencia, quia cum ipse moreretur, vinea supradictare
l.31 maneret canonicis in dominio. Campus vero remaneret Geraldo fratri suo dum
l.32 viveret, mortuo autem Geraldo, quod canonicis sine calumpnia et absque
l.33 herede remaneret. Quicumque vero hanc donationem vel convenienciam ca-
l.34-lumpniaverit, aut in mendatio convertere voluerit seu adnichilave-
l.35-rit, in perpetuo sub anathematis vinculo positus, et in baratro sepultus sit.
l.36 S. Duranti episcopi. S. Hugonis prepositi. S. Attonis abbatis. S.
l.37 Hugonis decani. S. Bernardi capitisscolarum. S. Rotberti Portuensis [decani].
l.38 S. Wilelmi Ernionis fili Guilelmi. S. Radulfi fratris ejus et ipsius fratrum. S.
l.39 Wilelmi Ernionis filii Hugonis. S. Radulfi fratris illius.
l.40 Facta ista carta mense junio, regnante Francorum rege Philippo.

COHENDY (M.), Inventaire de toutes les chartes antérieures au XIIIe siècle qui se trouvent dans les différents fonds d'archives du dépôt de le préfecture du Puy-de-Dôme, Clermont-Ferrand, 1855, p. 56-58.

GRELOIS (E.), Les hommes dans les seigneuries de Basse-Auvergne, in BOURIN (Monique), MARTINEZ SOPENA (Pascual), Pour une anthropologie du prélèvement seigneurial dans les campagnes médiévales (XIe - XIVe siècles). Réalités et représentations paysannes, Paris, 2007, p. 581-606, p. 599, p. j. n° 2.