Wibold, Tietrada, Odecinis, Erliardis, Rainuvuidis, Erchemburgis, Tietberga, Erchemburgis, Alburgis et Osquidis se donnent comme sainteurs à Saint-Amé de Douai.

l.1 Antiquis temporibus videbatur esse dedecori, gentes aliarum gentium fortitudine devictas ad censum solvendum applicari, at postquam Dominus
l.2 et redemptor noster pro suo et pro discipuli sui Petri capite ministris Cesaris censum dignatus est solvere, nulli debet videri onerosum,
l.3 quod ipse facere dignatus est ad exemplum fidelium populorum. Cujus exemplum Christiani sectantes, sicuti nominis ejus
l.4 participes, ita et census efficiuntur ultronei imitatores. Unde cotidie ad altaria in honore ipsius, et sanctȩ matris ejus, omniumque
l.5 sanctorum consecrata venientes, applicant se qua eis conditione libitum est suosque sequaces. Inter quos et hi famuli
l.6 famulȩque Dei Wiboldus, Tietrada, Odecinis, Erliardis, Rainuvuidis, Erchemburgis, Tietberga, Erchemburgis, Alburgis,
l.7 Osquidis, adamantes patrocinia sanctorum confessorum Amati atque Mauronti, ad principale ipsorum altare donaverunt se suosque
l.8 posteros, duos nummos in festivitate alterius quȩ est XIIII kalendas novenbris fratribus eidem altari famulantibus soluturos. Quibus annuerunt
l.9 major minorque advocatus castellanus scilicet Hugo milesque ejus Vuitselinus, Sicherusque prepositus et ceteri fratres, ut et a maritali licentia
l.10 et a manu mortua et ab omni servili dicione manerent inmunes. Quod si quis violentus eos opprimeret, eorumque bona injuste
l.11 auferret, tamdiu excommunicationi fratrum subjaceret, donec vel resipiscens ad satisfactionem veniret, vel per advocati justitiam
l.12 coactus, injuste ablata juste restitueret. Acta est hȩc cartula Duaci, tempore regis Henrici et gloriosi principis Balduini
l.13 sub horum testimonio virorum, Hugonis castellani, Vuitselini advocati, Ursionis, Vuagonis et aliorum multorum.

DESPLANQUE (A.), Cartulaire du Nord de la France. Recueil des chartes les plus anciennes qui reposent aux Archives départementales du Nord, Lille, 1868, n° 232, p. 59.

DUVIVIER (Ch.), Actes et documents anciens intéressant la Belgique, Bruxelles, 1898, p. 182.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 69.