Rancon, évêque de Clermont, donne au chapitre cathédral de Clermont, la villa Vezola, la villa de Campelz et plusieurs autres biens.

l.1 Ego Renco episcopus corporis mei perpendens fragilitatem illudque psalmographi corde revolvens:
l.2 Homo sicut fenum dies ejus tamquam flos agri cito marscenscentis, dono omnipotenti Deo
l.3 qui reddet unicuique juxta opera sua, beatissimȩ quoque virgini Mariae quȩ
l.4 generando filium sine concupiscencia virili adipiscendi potestatem quȩcumque
l.5 voluerit ab eodem accepit, beatis aetiam martiribus Agricolae et Vitali
l.6` eorumque canonicis sibi famulantibus, futuris namque et presentibus, quandam
l.7 scilicet partem mihi debitȩ aereditatis. Hoc est villa quȩ dicitur
l.8 Vezola, quam emi ad alodem, et omnia ibi pertinencia, et iterum villa de Campelz quam Harnaldus
l.9 de camalaeria dimisit mihi pro remedio animȩ suae et parentum suorum
l.10 teste Petro fillio suo, cum silvis et omnibus ibidem pertinentibus
l.11 et in territorio Cornonensi medietatem vineȩ de Camaret et medietatem
l.12 campi de Seiciac quȩ Petrus mihi dimisit de Corspetra, terrae vero
l.13 de Cauriaco terciam partem quam Hugo de Bocianella et Aurieldis uxor ejus ibi
l.14 habebant et pro remedio animȩ suaȩ mihi dederunt, et mansum I ad Cavinerium quaem Hugo
l.15 archipresbiter mihi dimisit. Hec omnia dimitto supradictis canonicis ut apud mei
l.16 redemptoris conspectum intercedant pro me et pro delictis meis. Et in die
l.17 obitus mei secundum esse et posse inde refrigerium accipiant. Volo autem ut de
l.18 his omnibus Gibertus fiat judex et villicus, post mortem quoque ejus ad laudem communis consilii episcopi
l.19 et canonicorum commendentur, edituo hujus aecclesiȩ aut cellarario aut siniscalco,
l.20 illo de his tribus de quo melius fuerit salvamentum et ipse firmet se inde recta agere, erga canonicos,
l.21 qui autem hanc donationem inquietare presumpserit nullatenus adipiscatur
l.22 quod querit, set iram incurrat Dei omnipotentis.
l.23 Facta est hac donatio die martis mense jullii
l.24 REGNANTE REGE HENRICO.