Lille, AD Nord, 10 H 56 n° 960

<< < / > >>

Numéro368

Fiabilité de l'actedouteux

Genrecharte

Date1038(fiabilité :texte)

LieuArras(lat :Atrebati curte publice in capella Sancti Benedicti)

DiocèseArras

RégionNord/Pas-de-Calais

Supportparchemin

Chirographienon

Sceau sceau pendant perdu

Etat de la traditionpseudo-original

Hauteur à gauche550   mm

Largeur en haut360   mm

Largeur en bas375   mm

AuteurBaudouin V, comte  de  FLANDRE

BénéficiaireAbbaye  de  MARCHIENNES

Regeste

Baudouin V, comte de Flandre, règle l'avouerie de l'abbaye de Marchiennes

Fac-similé

Texte

l.1 IN NOMINE SANCTE ET INDIVIDUȩ TRINITATIS. Prudenter satis antiquorum excogitavit sollertia ut litteris commendarent et confirmarent
l.2 quae honeste ac recte a se facta, posteros latere nolebant. Unde et ego BALDUINUS Dei gratia Flandrensium comes ad noticiam tam futurorum quam
l.3 presentium hic annotari jussi qualiter beate Rictrudis Marcianensis abbatiam per quadringentos vel eo amplius annos, hoc est, a sui constitutione semper fuisse
l.4 ab omni redditu advocationis liberam, coram baronibus meis cognoverim et testatus sim, annuens humili petitioni Albrici abbatis et fratrum ipsius ȩcclesiȩ, suggerente etiam
l.5 et concedente Adela comitissa conjuge mea filia regis Roberti; sed quoniam prevalente secularium nequitia ad sui defensionem advocato indiget, ut sim aecclesiae fidelis advo-
l.6-catus et defensor, supradictus abbas michi dedit duos molendinos qui sunt in villa Berberia et duas carrucatas terrae in villa Nigella, aecclesia tamen in sua
l.7 antiqua libertate semper manente. Ego autem molendinos illos cum terra supradicta, per manum ipsius abbatis dedi Hugoni Havet de Albiniaco; eo tenore
l.8 ut in omnibus sit aecclesiae Marceniensi promptus adjutor. Quod si neglexerit, me presente coram baronibus meis judicavit, ut et successores ejus, et ipse dictum
l.9 supradictum et advocationem quam de me tenent, perdant. Et haec sunt quȩ in potestatibus aecclesiae accipiet. De omni forisfractura ubi ȩcclesia ope indigens
l.10 eum in auxilium vocaverit, si per justiciam ejus aliquid adquisierit, ipse terciam partem habebit. Quod si non fuerit vocatus, nichil omnino debebit habere.
l.11 Majores dabunt ei in Nativitate duo sextaria vini et duos capones, et ipse cibabit eos et homines eorum pane et carne et vino. In pascha dabunt ei duo sextaria vini
l.12 tantum. Adjutorium tempore obsidionis vel hostilitatis generalis quatuor vel quinque ebdomadarum accipiet in potestatibus, id est de carruca duos solidos, de dimidia
l.13 unum; de operario divite an paupere tres denarios. Coccus aecclesiae, magister pistorum, cambarius, et qui cum carro de nemore ligna adducit, nichil dabunt ei, quia
l.14 omnino ab omni redditu semper liberi erunt. In hoste quoque regali per manus ministrorum abbatiȩ in potestatibus accipiet VIIIto palefridos. Et hoc semel in anno, si ne-
l.15-cessitas evenerit, sin autem nichil omnino. Palefridos ferrare faciet. Hominibus qui eos ducent in victu et calciamentis providebit. Cum fuerit reversus, statim
l.16 omnes palefridos illos restituet dominis suis. Quod donec fecerit, nichil pro eo faciet aecclesia, nec homines aeclesiae. Preter haec nichil debet habere advocatus
l.17 in aecclesia, nec ista accipere nisi per manus ministrorum abbatiae. Pro supradictis enim molendinis et terra servire debet aecclesiȩ et semper promptus esse adjutor.
l.18 Non bannum faciet nec precarias nec latronem accipiet nec corevias nec palefridos nec ministri ejus aliquid accipient. Sciendum quoque quod non
l.19 interpellabit quemquam ad campum de hominibus acclesiae; sed ille contra quem aget judicio scabinorum cum sacramento sola manu purgabit se. Nec licet ei
l.20 nec alicui terrenȩ potestati in aliqua villa sanctȩ Rictrudis contra voluntatem abbatis vel monachorum manere nec convivia preparare, nec placita tenere, nec denariorum
l.21 vel pecuniȩ collectionem ab incolis exigere nec ullam violentiam inferre. Equalem libertatem habebunt omnes hospites potestatum tam advena quam indigena.
l.22 Iterum non licet ei terras ȩcclesiae emere aut in vadimonium accipere, nec servos nec ancillas ejusdem ȩcclesiae in feodo militibus dare, nec aliquid ab illis per violen-
l.23-tiam exigere. In silvis quoque sancte Rictrudis vel in aquis vel in terris nullam habet potestatem, nec homines ȩcclesiae contra voluntatem abbatis manu tenere potest.
l.24 Et ut hec firma et inconvulsa maneant studui sigilli mei impressione hoc privilegium roborare et testes inferius designare. [colonne1] S. Balduini marchionis qui fieri jussit haec. S. Adele comitisse. S. Eustachii comitis Boloniȩ. S. Rogerii comitis de sancto Paulo. [colonne2] S. Gerardi episcopi Cameracensis. S. Drogonis episcopi Morinensis. S. Fulchonis episcopi Ambianensis. S. Lietduini abbatis sancti Vedasti. [colonne3] S. Roderici abbatis sancti Bertini. S. Malboldi abbatis sancti Amandi. S. Wicardi abbatis. S. Gerardi abbatis. [colonne4] S. Rodulfi Tornacensis. S. Rodulfi Gandensis. S. Roberti advocati. S. Johannis advocati Attrebatensis.
l.25 S. Hugonis Aldenardensis. S. Hugonis Valentianensis. S. Saswalonis, Freardi, Walteri, Berneri, Ogeri, Dominici, militum.
l.26 Hoc placitum fecerunt quatuor milites advocati: Udo, Ursio, Garderus, Mainbodo. Actum Attrebati curte publica in capella Sancti Benedicti
l.27 anno Domini MoXXXoVIIIo, indictione VIa, epacta XII, anno IIIIo Balduini gloriosi comitis, rege Francorum Henrico.
l.28 [sceau].

Bibliographie

MIRAEUS A.-FOPPENS J.F, Opera diplomatica et historica, 4 vol., Lovanii, 1723-1748, t. 1, p. 659.

LE GLAY (A.), Mémoire sur les archives de l'abbaye de Marchiennes, Douai, 1854, p. 24-27.

NAZ (R.), L'avouerie de l'abbaye de Marchiennes (1038-1262), Paris, 1924, p. 20-22.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 62-63.

Responsable

Comment citer cette notice

Acte n°368 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°368»[En ligne] http://www.cn-telma.fr/originaux/charte368/. Date de mise à jour : 29/03/12.