Pierre II, évêque de Poitiers, donne à l'abbaye de la Chaise-Dieu les églises de Sainte-Marie, Saint-Macou et Sainte-Geneviève de Jazeneuil.

l.1 Quoniam cui plus committitur plus ab eo exigitur, iccirco ego P. Dei gratia Pictavorum episcopus, supra gregem mihi commissum sollicite vigilans, studui prava corrigere, et correcta ad meliora
l.2 promovere. Hac itaque pie devotionis sollicitudine excitatus, animadverti ȩcclesias Sanctȩ Mariȩ, et Sancti Macuti,et Sancte Genovefȩ virginis, que in villa que Jazenolium dicitur sunt,
l.3 ab inhonestis possessoribus obtineri, et irreligiose tractari. Juste igitur dispensationis zelo, cupiens ab ecclesia Dei omnem inhonestatem, et injusticiam extirpare, et religionis
l.4 cultum in ea inserere, et semper in melius promovere, dedi et concessi predictas ȩcclesias de Jazenolio ecclesie Chase Dei, in manu venerabilis fratris nostri Aimerici abbatis, ut
l.5 sicut priores possessores iniquitati ad iniquitatem se ipsos exhibuerant, ita et monachi Chase Dei eorum successores, justicie in sanctificationem intenti, divinum servitium
l.6 juste et religiose ibi perpetuo celebrent. Et ut hoc nostrum donum firmum et stabile perpetuo maneret sigilli nostri robore confirmavi, atque ad confirmandum
l.7 aliis tradidi.
l.8 S. Petri [croix] episcopi. S. Aimerici decani, S. Arvei archidiaconi, S. Willelmi Adelelmi, S. Rainerii capicerii.
l.9 [sceau].