Donation à Saint-Florent par Robert le Voyer de tout ce qu'il possède à Placé avec le consentement de Geoffroi de Mayenne.

l.1 Testatur sacra auctoritas, quod omnis homo sit mendax. Quapropter caute fit cum aliquis
l.2 ecclesiȩ donum facit, si scripto commendetur, quatinus si dator male penitens, manum suam
l.3 retrahere voluerit, scriptum ei opponatur, et in veritate stare compellatur. Unde nos
l.4 litteris tradimus quod Rotbertus vicarius pro salute animȩ suȩ, animarumque parentum
l.5 suorum dedit Sancto Florentio Salmurensi quicquid apud Placeium habebat. Quod donum
l.6 fecit in manum Harsmelli monachi predicti sancti annuente Goffredo de Medua-
l.7-na, tam libenter quod quinque solidos dedit predicto Rotberto pro rebus quas dabat,
l.8 quo ipse posset eas dare monachis Sancti Florentii quorum beneficio cupiebat parti-
l.9-cipari. Nec renuit Rotbertus, sed oblatos sibi denarios libenter accepit,
l.10 sicque predictus Gofredus votum suum implevit. Actum est hoc apud Meduanam
l.11 viris non paucis astantibus de quibus nominamus, Herveum de Crapone, Hugonem
l.12 de Brullio, Garinum filium Garini, Rotbertum Pavonem, Andream butellarium,
l.13 Gofredum filium Brite, Algerium de Genesio, Guillelmum filium Ingelbaldi,
l.14 Guillelmum Piscem.