Donation à Saint-Aubin, sous l'abbé Girard, de l'église de Calumpniacus par le chevalier Alveus, confirmée par l'évêque de Rennes, Silvestre de la Guerche.

l.1 Notum esse volumus presentibus et futuris quod quidam miles nomine Alveus donavit Deo et sancto ALBINO et ejus monachis ȩcclesiam
l.2 quandam quȩ vocatur Calumpniacus et juxta ȩcclesiam terram ad domum fatiendam et terram ad quattuor boves et quoddam
l.3 pratum. Hoc donum misit in manum Girardi abbatis in supradicta villa, quod multi coram positi viderunt, quorum nomina hȩc sunt,
l.4 Gaufridus frater Alvei, et Hugo de Terrum et duo nepotes Alvei Tetbaudus et Walterius, et Herveus cognatus ejus, et Rivallonus Bigot, et Agnes uxor Alvei
l.5 quȩ cum viro suo bono animo donum istud fecit, et Rainaldus forestarius, et Girorius forestarius, et de hominibus Sancti ALBINI Haimmarus Malspetit,
l.6 et Hilarius et Firmatus, Arnaldus Brion, et Constantinus coquus, et Rotbertus de Trevis. Et quia donatio ista sine concessione episcopi Redonensis
l.7 firma esse non poterat, est enim ȩcclesia de diocesi ejus perrexit abbas Girardus ad eum propter istam causam. Sed eum invenire non potuit. Quod
l.8 cum audisset Silvester episcopus conpunctus corde de labore abbatis precepit litteras conponi de concessione istius quas per domnum Haimmonem
l.9 monachum Sancti Albini ipsi abbati G. et ceteris fratribus misit, quarum exemplar in hunc modum habetur:
l.10 S. Redonensium dictus episcopus et AR. archidiaconus cum cȩteris fratribus ejusdem ȩcclesiȩ canonicis domino G. abbati beati Albini cum toto
l.11 cȩnobio fratrum orationes fideles. Quod petendo quesivistis, querendo pulsavistis apertum invenistis. Procantum igitur ȩcclesiȩ quȩ
l.12 vulgari nomine Calumpniacus appellatur, concedimus vobis. Valeat sanctitas vestra.