Accord entre Pierre, abbé de Seuilly, et Robert d'Arbrissel à propos du bois de Bort, que Gautier de Montsoreau avait donné à Fontevrault, accord soumis à la confirmation de Raoul, archevêque de Tours, Girard, légat pontifical et évêque d'Angoulême, et Pierre, évêque de Poitiers, qui apposent leur sceau.

l.1 Reverentissimis patribus suisque dominis, Radulfo sancte Turonensis ȩcclesiȩ archiepiscopo, et Girardo episcopo Engolismensi, vices apostolicas in
l.2 his partibus fideliter et prudentissime dispensanti, et venerando ac Deo amabili Petro episcopo Pictavensi, Petrus abbas
l.3 Suliensis et totus ejus conventus humilis, et Rotbertus de Arbreisel clarissimus vir, ac Deo amantissimus, totaque sua humilis
l.4 et devota congregatio, debite oboedientiȩ reverentiam, et sanctarum munus orationum. Quoniam sanctis desideriis, justisque pe-
l.5-ticionibus assensum prebere christiane perfectionis esse manifestum est, vestrȩ sublimitatis affusi genibus, sinceritatis
l.6 vestrȩ clementiam humiliter ac devotissime deprecamur, ut quȩ infra de pace, et concordia, et dilectione, quȩ facta est inter
l.7 nos, scilicet monasterium Sancti Sepulcri Suliensis, et sanctam ȩcclesiam Fonte Evraudi, super quadam querela, scripto annotata
l.8 videritis, eo divinȩ auctoritatis pondere confirmetis, ut nulla presentium vel futurorum inquietudine concuti, nullis
l.9 possint penitus pravorum hominum falsis adinventionibus ullomodo ulterius fatigari. Inter cetera itaque quȩ Galterius de Mon-
l.10-te Sorello princeps christianissimus fundator Suliensis ecclesiȩ Sancti Sepulcri eidem soluta ac libera ac jure perpetuo possidenda,
l.11 de propriis possessionibus ob remedium suȩ animȩ dederit, hoc quoque in carta quam ipse in persona propria ab archiepiscopo Turonensi
l.12 impetravit fieri, ac sigillo proprio sigillari, donasse repertus est, videlicet boscum de Bort ad extirpandum, ita ut monachi inde habe-
l.13-ant medietatem. Istud idem in carta predicta habetur. Quod quia obscure positum erat, dissensionem et discordiam inter nos quos ma-
l.14-gis injuriam pati, quam disceptare vel litigare oportuerat, generabat. Nam nos Sulienses monachi predictorum verborum occasione,
l.15 quicquid in bosco de Bort, est enim ibi locus qui dicitur Fonte Evraudus, ȩdificatum vel constructum fuerat, sive in ȩcclesiis, sive in
l.16 officinis, vel in aliis domibus, in omnibus denique extirpationibus nemoris, quas in terram arabilem discipuli predicti Rotberti redege-
l.17-rant, clamabamus. Quapropter nobis in unum convenientibus, scilicet abbate Suliensi cum suis monachis, et venerabili Rotberto de
l.18 Arbreissel cum quibusdam de discipulis suis, ac de ancillis Dei, apud Sulicum, presente ipso clarissimo principe, Galterio de Monte
l.19 Sorello, quem fundatorem abbatiȩ superius diximus Suliensis, nos Sulienses tanti viri, tantique doctoris, honore debito presentiam veneran-
l.20-tes, ejusque sanctis admonitionibus deferentes, maluimus aliquid de proprio relaxare, quam sanctum spiritum in ipso, suaque gloriosissima congrega-
l.21-tione irritare. Tali itaque conventione, tali pacto, talique tenore, predicte querele concordia supradicto adnitente Galterio de
l.22 Monte Sorello inter nos facta est, ut nos Sulienses monachi nichil prorsus de omnibus quȩ ad dominum Rotbertum et ad suos pertinent ul-
l.23-terius clamemus, de ipsis videlicet quȩ habent in bosco de Bort usque ad viam Condatensem, a tailla beum euntem ad crucem de Co-
l.24-seiz, per montem Boinum, recto itinere usque Condam. Sed et quicquid deinceps datum eis fuerit, vel quoquomodo habuerint, usque ad predic-
l.25-tam viam solutum ac liberum quantum ad nos pertinet, et ad omnes qui post nos futuri sunt in nostra ȩcclesia, possideant. Hoc tamen sciatur,
l.26 et tenaci memoriȩ commendetur, quod nullus alius aliquis preter solos habitatores vel habitatrices Fonte Evraudi, debet aut po-
l.27-test ubicunque Bort nominatur, et infra viam et ultra viam aliquit extirpare, sine abbatis et monachorum Suliensium licentia vel
l.28 permissione. Sicut igitur nichil omnino eorum quȩ habent vel habituri sunt, usque ad predictam viam clamamus, vel deinceps clamare po-
l.29-terimus, sic quicquit nobis concessum vel donatum legaliter fuerit, in toto bosco de Bort qui est in illa parte que per supradictam
l.30 viam dividitur versus Fonte Evraudum, libere, et absolute, sine eorum vel alicujus contradictione, dono et concessione jamdicti
l.31 Galterii possidebimus. Altera vero pars totius bosci de Bort, sicut per supradictam viam dividitur, ubicunque nominatur Bort
l.32 versus Cainonem, ita nobis Suliensibus a predicto principe domino Galterio de Monte Sorello, libera, et absoluta, quantum ad eum
l.33 pertinebat donatur et conceditur, ut nec ipsi, scilicet dominus Rotbertus nec alius aliquis absque ulla exceptione, audeat vel presumat
l.34 ibi aliquid extirpare sine permissione nostra, scilicet abbatis et monachorum Suliensium. Hujus vero pacis et concordie, et horum omnium quȩ
l.35 in presenti karta annotata sunt, testes sunt et auctores ipse abbas Suliensis cum suis monachis, et dominus Rotbertus de Arbreissel cum quibus-
l.36-dam de discipulis suis ac de ancillis Dei, et Galterius de Monte Sorello, cum aliquibus de suis militibus et alii plures quorum nomina hȩc sunt,
l.37 Rogerius de Torcei, Ivo de Sisinniaco, Vaslotus clericus, Radulfus de Bort, Haimericus de Lerneio, Petrus de Meuna, Gaufridus, Guitbert,
l.38 Heldebertus de Sulleio, Guarinus Periola, Isenbertus, Fulco de Cunalt, Girardus Flocel, Hugolinus Cauda Lanea, Galterius bubulcus, Vuillelmus Galterulus.
l.39 Hec autem carta facta est anno ab incarnatione Domini MILLESIMO CENTESIMO QUARTO decimo, Xo kalendas octobris, indictione regnante
l.40 Ludovico rege Francorum, et Fulcone Andegavorum comite. Ego Girardus Engolismensis episcopus et sanctȩ Romanȩ ecclesiȩ legatus hanc concordiam apostolicȩ sedis auctoritate
l.41 confirmavi, et sigillo nostro muniri feci et propria manu subscripsi [subscripsi].
l.42 Sigillum Radulfi Turonensis archiepiscopi. Sigillum Petri Pictavorum pontificis. CIROGRAPHUM.