Otton III roi, donne à l'église de Cambrai une forêt située près de la Sambre, avec le droit d'y chasser.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLȨMENTIA REX. SI NOS PIIS FIDELIUM PRECIBUS FACILE PREBEMUS EXORABILES, CREDENDUM EST IN PRINCIPATU STA-
l.2-biles et ȩterna beatitudine mansuros fore perdurabiles. Quapropter omnium fidelium nostrorum prȩsencium scilicet ac futurorum noverit industria, qualiter nos Notgeri episcopi
l.3 necnon et Hildiboldi ceterorumque fidelium petitionem adimplentes dedimus unum forastum Ruothardo episcopo Camaracensis ȩclesiae ad ecclesiam Sanctae Mariȩ ob remedium animae
l.4 nostrae nostrorumque parentum, tendens in longitudine a Sauulonir monte usque in illum locum ubi duȩ Elprȩ cadunt in Sambram, in latitudine autem a villa quȩ dicitur Basius
l.5 et loco qui vocatur Gurgunces, ita ut Sambra decurrit et duae Elprȩ usque ad ulteriorem ripam ulterioris Elprȩ, nostroque banno firmavimus, ea videlicet ratione
l.6 ut nulla majorum minorumve persona in bivangio predicti forasti nisi cum licentia prefati episcopi Ruothardi ejusque successorum venari presumat, sed ipse ejusque successores
l.7 ex nostro regio dono venationem potestative teneant et quibuscumque placeat venandi licentiam con[cedant]. Et ut hoc nostrae donationis munus firmum consistat,
l.8 hoc preceptum inde conscriptum, sigilli nostri impressione signare jussimus manuque propria ut [inf]ra videtur corroboravimus.
l.9 SIGNUM DOMNI OTTONIS [monogramme] GLORIOSISSIMI REGIS.
l.10 HILDIBOLDUS EPISCOPUS ET CANCELLARIUS VICE VUILLIGISI ARCHIEPISCOPI RECOGNOVI [sceau].
l.11 Data VIII kalendas mai, anno dominicȩ incarnationis DCCCCXCV, indictione VIII, anno autem tertii Ottonis regnantis XII. Actum est Aquisgrani palatii. Feliciter. Amen.