Du temps de l'abbé de Marmoutier Albert, ventes successives aux prévôts de Saint-Quentin Acfredus et Herbert des dîmes de onze borderies sises au lieu dit le Gros Hêtre par Galcherius, fils d'Henri, et Renaud Ledengarius, avec l'accord de Tescelinus de Montrevault et de sa femme Hadeburgis.

l.1 Nosse debebitis si qui eritis posteri nostri, Majoris scilicet hujus habitatores Monasterii Sancti
l.2 Martini, Gualcherium filium Hainrici, et Rainaldum cognomento Ledengerium, vendidisse Acfredo
l.3 monacho nostro rebus nostris preposito apud ecclesiam Sancti Quintini Andecavensis territorii, Medalgiȩ pagi,
l.4 non longe a castro Monte Rebelli vocato, agentibus nunc nobis sub regimine domni abbatis Alberti, tertiam
l.5 partem decimȩ bordariarum XI in loco sitarum qui nuncupatur Grosso Fagium, solidis LVque precio
l.6 constante. Duarum deinde ex hisdem bordariis reliquas duas decimȩ partes emisse Herbertum,
l.7 nostrum itidem monachum, rebus eisdem tunc temporis prepositum, ab ipso Gualcherio XXXV solidorum precio.
l.8 Ab ipso rursus emit supradictus Acfredus, cum postea rebus ipsis fuisset iterum prepositus, duas nichilominus
l.9 reliquas decimȩ partes sex bordariarum ex ipsis, datis denariorum IIIIor libris. Annuit venditionibus
l.10 istis atque emptionibus Johannes cognomento Ledengerius, frater suprascripti Rainaldi ejusdem cognominis V solidis
l.11 acceptis, et Fantinus amborum germanus XII denariis. Tescelinus quoque de Monte Rebelli, et uxor ejus nomi-
l.12-ne Hadeburgis, de quorum erant illa fevo, suo omnia firmarunt auctoramento XL solidis pro eodem acceptis,
l.13 nichil amplius scilicet accepturi, sed sub eodem ponentes auctoramento, si quando quod reliquum est
l.14 decimȩ trium quȩ supersunt bordariarum, aut donatum aut emptum in nostrum devenerit dominium. Fide-
l.15-jussores etiam adquietandi nobis universa hȩc ab omnium hominum nisi forte a prȩfati Tescelini calumnia,
l.16 sunt hii, venditor ipse Gualcherius, Girardus Algutus, Grimaldus filius Odaldi. Acta sunt omnia testibus istis, [colonne1] Herveo Blancasella, Rainaldo Frotlando, Lamberto vicario de Castanearia, [colonne2] Raherio homine Tescelini, Frotgerio filio Ernaldi, Hugone de Monte Rebelli, [colonne3] Guidone Russello, Frotgerio filio Johannis, Guidone famulo cognomento Priore.
l.17 Duas autem partes quȩ remanserant trium bordariarum, dedit nobis postea Rainaldus cognomento Ledengerius
l.18 partim pro anima Rodberti qui cognominabatur Forte Scutum, qui et ipse occisus fuerat ad castellum quod nomi[na]-
l.19-tur Barba Cati, indeque adductus nos sepelieramus eum apud Sanctum Quintinum, partim pro anima sua ac parentum
l.20 suorum, et dominorum suorum.