Donation post obitum à Marmoutier par Herbert, meunier de Saint-Vincent de Chalonnes, et sa femme Adelaïde de tous leurs biens sous réserve d'une part pour leur héritier éventuel.

l.1 Notum sit omnibus, maxime successoribus nostris Majoris Monasterii monachis, quod Herbertus molendinarius Sancti Vincentii de Calonna, et uxor ejus
l.2 Adeladis, condonaverunt omnes res suas post obitum suum Deo et beato Martino et nobis, tali tamen pacto, ut ipsa Adelade obeunte, statim
l.3 sine ullo retinaculo habeamus partem illius de omnibus rebus, quanquam ipso Herberto superstite. Similiter quando Herbertus obierit,
l.4 habebimus partem ejus, nisi forte habuerit heredem ex legitima uxore. Hoc donum fuit primo factum domno abbati Willelmo apud Ca-
l.5-lunnam, presentibus monachis Willelmo de Paciaco, Petro bajulo, Evano sacrista, Johanne Rigaldo, preposito Calunnensis obȩdientiȩ,
l.6 et Bressello solatio ejus, et famulis, Rotberto Torto Capello, Arraldo, Pagano camerario, Petro Burdone. Non multo post, venit
l.7 idem Herbertus in capitulum Majoris Monasterii, et sicut primo fuerat receptus apud Calunnam in nostrum benefactum, similiter et in eodem capitulo
l.8 receptus est. Ubi etiam ipse recapitulavit donum quod prius fecerat, videntibus et audientibus Giraldo Torcat Anguillam, et Alfredo famulo,
l.9 qui pariter cum eo fuerunt recepti in nostrum benefactum.

1