Otton I^er, roi, donne à l'église de Cambrai la villa de Wambaix située dans le pagus de Hainaut, avec toutes ses dépendances.

l.1 [chrisme] IN NOMINE SANCTAE ET INDIVIDUAE TRINITATIS, OTTO, DIVINA FAVENTE CLEMENTIA IMPERATOR AUGUSTUS. NOVERIT OMNIUM FIDELIUM NOSTRORUM PRAESENTIUM SCILICET ET FUTURORUM INDUSTRIA, QUALITER
l.2 nos secuti liberalitatem et munificentiam regum et imperatorum qui fuerunt ante nos, quorum Christo propicio sedem et honorem optinuimus, aeclesiam Dei quae est mater omnium nostrum cupimus
l.3 in conspectu omnium gentium exaltare, immo longe ante sublimatam nostris quoque temporibus honorificare rebusque proprietatis nostrae augmentare ditare et glorificare. Idcirco nunc per interven-
l.4-tum et suffragium fratris nostri reverentissimi Brunonis archiepiscopi dedimus auctoritate regia ad aeclesiam in honorem et memoriam sanctae Mariae genitricis Dei ac perpetuae virginis in castello Cameracensi
l.5 constructam, ubi venerabilis episcopus Berengerus praeesse cognoscitur, fiscalem nostrae dominationis terram quam a rebellibus et paci quietique nostrae invidentibus aeclesiamque Christi diuturna gravique molestia conturban-
l.6-tibus legaliter fiscatam recepimus, jurique nostro et domino consensu totius sanum sapientis populi vendicavimus, videlicet villam quae vocatur Vuambia, sitam in pago Heinia in comitatu Godefridi
l.7 cum aeclesia et curte dominicali mancipiis, domibus, agris, cultis et incultis, silvis ac pascuis et omnibus illuc jure pertinentibus sive in eodem loco, sive in circumpositis villis, et quicquid in ipsa provincia
l.8 quondam Engibrandus jure proprio possedit et tenuit, ea nimirum intentione et constitutione ut hoc benivolentiae nostrae donativum ejusdem aeclesiae episcopus proprium teneat atque possideat
l.9 habens integram potestatem quicquid sibi juste placuerit exinde faciendi. Et ut haec donationis nostrae corroboratio vigeat et in futurum omni tempore firma stabilisque permaneat,
l.10 hanc praesentem confirmationis kartam conscribi jussimus quam anuli nostri impressione signatam manu propria subter annotando firmavimus.
l.11 SIGNUM OTTONIS INVICTISSIMI REGIS [monogramme].
l.12 EGO LIUDOLFUS AD VICEM BRUNONIS ARCHICANCELLARII NOTAVI [sceau] [ruche].
l.13 Data idibus junii, anno incarnationis Domini DCCCCLVIII, indictione I, regnante piissimo rege Ottone anno regni ejus XXIII. Actum Coloniae.

1

SICKEL (Th.), Die Urkunden Konrad I, Heinrich I. und Otto I., Hanovre, 1879-1884 (MGH Diplomata regum et imperatorum Germaniae, 1), n° 195.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 51.

BOEHMER (J.F.), OTTENTHAL (E. Von), Regesten Heinrich I, p. 132-133, n° 262.