Abandon par Harpinus de ses revendications sur des dîmes à Daumeray, qui avaient été données à Marmoutier par son grand-père, Hervé Potator, et contestées par son père, Eudes. Autres consentements, concernant des biens de Marmoutier, donnés par Mathieu de Mireio et sa femme Bova, et par Eremburge, mère du prêtre Païen.

l.1 Successorum nostrorum dilectioni notificare curavimus, quod Herveus Potator dedit Deo et sancto Martino Majoris
l.2 Monasterii et sancto Germano decimas suas de Dalmariacensi pago, pro salute animȩ suȩ et suorum antecessorum.
l.3 Sed filius ejus Odo nomine, stimulis nocivȩ cupiditatis exagitatus, easdem decimas invasit, et oblitus
l.4 paterni beneficii, tenuit per multum temporis elemosinam patris sui. Nepos quoque ejus nomine Harpinus, filius
l.5 scilicet prȩfati Odonis retinuit eam per aliquantum tempus. Anno autem incarnationis dominicȩ MCVII agentibus nobis
l.6 anno tertio sub donno abbate nostro Willelmo, jamdictus Harpinus volens satisfacere Deo et sanctis quorum
l.7 oblationem male tenuerat, guerpivit eam, et ex sua parte auctoravit eis totam decimam suam de Dalmariacensi
l.8 territorio. Ita sane quod sanctus Martinus habebit inde duas partes, et sanctus Germanus tertiam. Hanc auctorationem
l.9 fecerunt ipse Harpinus et Doda uxor ejus, et avunculus Harpini ejusdem nomine Hubertus qui cognominatus est
l.10 Nigrum Dorsum, in presentia prefati abbatis nostri apud Dalmeriacum, multis presentibus quorum nomina inferius annotata sunt.
l.11 Matheus quoque de Mireio et uxor ejus Bova nomine reauctoraverunt Deo et sancto Martino, quicquid monachi
l.12 sancti Martini de beneficio antecessorum ipsius Mathei possidebant. Eremburgis mater Pagani presbiteri auctoravit
l.13 Deo et sancto Martino quandam decimam suam pro redemptione animȩ suȩ et antecessorum suorum. Hȩ omnes auctoratio-
l.14-nes factȩ sunt in domo sancti Martini apud Dalmeriacum in presentia donni Willelmi abbatis, qui et ibi revestivit
l.15 eos de beneficio sancti Martini, multis presentibus. Ex quibus hi sufficiant ad testificandum. De monachis, ipse Willelmus
l.16 abbas, Arnaldus tunc Dalmariaci prior, Petrus bajulus, Gilo, Gingomarus. De laicis, Paganus camerarius, Arnulfus
l.17 de Relliaco, Gaufredus Polcez, Arnulfus de Elchenneo, Hugo villanus, Otgerius Genulfus, Rainaldus clericus
l.18 de Loarceio.

1