Consentement donné par Renard et Macouard [de Daumeray], fils de Simon [du Lude], après la mort de leur père, et par leur mère Emeline aux donations faites à Marmoutier par leur parent Renaud dans le territoire de Daumeray.

l.1 In omnium notitiam fidelium et maxime nostrorum venire volumus successorum, quod Rainardus et Marcoardus filii Simonis
l.2 et Hemelina mater eorum auctorizaverunt quicquid Rainardus, cujus propinquior consanguineus Simon erat, dedit sancto
l.3 Martino Majoris Monasterii in territorio Dalmariacensi. Praedicti igitur fratres cum post patris obitum pueri relicti
l.4 ad aetatem postea recipiendi honoris paterni pervenissent, ipsumque honorem recepissent, venerunt in capitulum Sancti
l.5 Martini, et accepto a fratribus Majoris Monasterii beneficio loci, participio videlicet orationum, elemosinarum, cȩterorumque
l.6 bonorum operum, fecerunt in conventu omnium monachorum donum auctoramenti de omnibus rebus quas vel Rainardus dederat
l.7 vel ab aliis hominibus sive datȩ sive venditȩ Sancto Martino in eorum terra usque ad diem illam fuerant, nominatim etiam de
l.8 terra quam Frodmundus et uxor ejus Hersendis cognomento Redoiata supradicto sancto fecerant, et quoniam beneficium
l.9 quod ad prȩsens adjuvat, apud eos maxime qui presentia diligunt preponderare solet, prȩter societatem benefactorum
l.10 et orationum precium, aliquid singuli temporalis acceperunt commodi, Rainardus videlicet natu major ad quem
l.11 maxime patris hereditas devenerat, solidos XXX, Marcoardus autem tapetum preciosum quod dedit in sororis suȩ
l.12 Ansgardis nomine, Albȩ cognomine maritatione, quȩ hujus rei gratia quicquid fratres annuerant, annuit. Testes horum, sunt hii, [colonne1] Gauterius de Perenao vitricus eorum, Gauscelinus homo Rainardi juvenis. De familia Sancti Martini, Odbertus senior, Otbertus juvenior, Rainaldus Junius, Gausfredus quoquos, Salomon ejusdem officii, [colonne2] Ricardus major, Anseisus cellararius, Hilduinus sartor, Arnulfus sartor, Rotbertus idem habens ministerium, Bernardus mariscalcus, Gauterius sartor.