Landri de Beaugency, avec l'assentiment de ses enfants, autorise la donation faite en faveur de Marmoutier par Renaud (de Daumeray), son fidèle.

l.1 Quisquis amore divinȩ retributionis accensus, post seculi hujus laborem ȩterna quiete desiderat consolari,
l.2 necessarium ei est, ut dum valet per presentis vitȩ tempus ad peccatorum redemptionem indultum fideli studio gratia Dei
l.3 cooperante provehi ad sanctȩ operationis incrementa contendat, quatinus quicquid aut iniquȩ vitȩ fastu aut
l.4 inertia contraxit inbecillitatis humanȩ et piȩ conversationis operibus, et sanctorum precibus abluatur.
l.5 Unde ego in Dei nomine Landricus vir armis militaribus deditus, reminiscens meorum multitudinem peccatorum,
l.6 et ultimi judicii diem fortiter expavescens, atque cum electis quibus Deus in illa dicturus est die: Venite bene-
l.7-dicti patris mei, percipite regnum quod vobis paratum est, aggregari desiderans, annuentibus filiis meis, Johanne,
l.8 Landrico, atque Herveo, filiaque mea Adelaide, donationem illam quam fecit Rainardus fidelis meus sancto Martino,
l.9 meȩ auctoritatis assertione confirmo. Videlicet ȩcclesiam Sancti Martini de Dalmariaco, et censum,
l.10 omnesque consuetudines de burco, qui circa ȩcclesiam ȩdificatur, vicariam totam, bellum si ibi fuerit arramitum,
l.11 duas meditarias, cuncta prata quȩ ibi juxta cymiterium in suo dominio habebantur, et silvam quȩ
l.12 apellatur Castellonium, et apem quȩ in silva fuerit, et leges de forfactis. Si autem monachus Sancti Martini
l.13 Majoris Monasterii totam silvam succidere, et arare voluerit, in sua potestate erit. Si quis vero de propin-
l.14-quis meis, aut per se, seu per intromissam personam, contra hanc donationem quam libera mente et propria
l.15 voluntate facio, aliquam calumpniam monachis inferre voluerit, centum cocti auri libras exsolvat,
l.16 et quod petit non vindicet, sed donatio firma permaneat. Et hujus donationis meȩ auctoritas
l.17 pleniorem optineat firmitatem, acceptis ab Alberto abbate Majoris Monasterii centum denariorum
l.18 solidis, manu propria eam sub signo sanctȩ crucis firmavi, manibusque senioris mei Guazfredi comitis,
l.19 necnon multorum virorum fidelium quorum nomina infra sunt scripta, affirmare rogavi. [colonne1] S. Guasfredi comitis. S. S. S. S. S. S. S. S. S. [colonne2] S. Landrici. S. Johannis filii ejus. S. Landrici filii ejus. S. Hervei filii ejus. S. Alberici filii Aurami. S. Guascelini Panis Parati. S. Rodulfi. S. Archembaldi. S. Hernaldi. S. Arnulfi. [colonne3] S. Richardi majoris. S. Rainaldi majoris. S. Rotberti majoris. S. Tetbaldi mercatoris. S. Warnelini. S. Hildeberti coci. S. Guarini clerici. S. Hervelini. S. Othberti. S. Tedmerii. [colonne4] S. Landrici. S. Teoderici. S. Odonis. S. Hugonis. S. Viviani. S. Holdorici. S. Bernerii. S. Rainardi. S. Herneisii. S. Fulconi. S. Guarnerii. S. Hunbaldi. S. Rainberti. S. Odonis. [croix].

1

HALPHEN (Louis), Le comté d'Anjou au XIème siècle, Paris, 1906, p. 269, n° 86.

GUILLOT (Olivier), Le comte d'Anjou et son entourage au XIe siècle, 2 vol., Paris, 1972, 1 : Etude et appendices. 2. Catalogue d'actes et index, t. 2, p. 55-56, n° 57b.