Concorde faite dans un plaid tenu à Chalonnes entre Pierre (II), seigneur de Chemillé, qui avait donné l'église Saint-Pierre de Chemillé à l'abbaye de Marmoutier, et les moines de Marmoutier : il leur confirme la donation des églises de Notre-Dame et de Saint-Gilles faite par son père Sigebrand, et renonce à demander la transformation du prieuré Saint-Pierre en abbaye. Il obtient la permission de construire une nouvelle église pour ses chanoines dans la paroisse des moines. En outre, le troisième dimanche après l'octave de la Pentecôte, il abandonne ses prétentions sur l'augmentation du bourg des moines, c'est-à-dire le bourg neuf des Roches, sa voirie et ses coutumes.

l.1 Quoniam generatio advenit et generatio preterit, et memoria hominum brevis est et labilis, et genus quorumdam
l.2 hominum malitiosum est, li[ben]terque bene et recte gesta in quantum potest pervertit, ideo sancti patres negotia hominum et concordias
l.3 eorum laudaverunt scrip[to commen]dari, ne ulterius inde possit aliqua controversia inter nos exori[ri]. Quapropter nos imitantes
l.4 eos volumus esse notum tam [presenti]bus quam futuris concordiam quandam quam monachi Majoris Monasterii fecerunt cum Petro
l.5 domino Camiliaci castri fili[o Si]gebranni. Petrus avus ejus, donavit matrem ȩcclesiam ipsius castri scilicet ȩcclesiam sancti Petri
l.6 beato Martino Majoris [Mo]nasterii et monachis suis, cum tota sepultura et aliis quȩ pertinent ad ȩcclesiam illam, et Sigebrannus
l.7 filius ejus illud donum approb[av]it et auctorizavit, immo etiam ȩcclesiam sanctȩ Mariae capellam supradictȩ ȩcclesiȩ, concessit beato
l.8 Martino post discessum cujusdam presbiteri Viventii cum burgo et alia sicut ipse Viventius tenere debebat. Petrus autem filius supradicti
l.9 Sigebranni recognoscens rectum beati Martini post discessum patris sui ȩcclesiam beatȩ Mariae, et sancti Egidii, donavit et con-
l.10-cessit in capitulo Andegavensis aecclesiae Sancti Mauricii laudante et concedente Gausfredo episcopo et canonicis ejusdem
l.11 aecclesiae sicut in alia carta scriptum est. Postquam vero monachi jamdiu tenuerant per multos annos sine calump-
l.12-nia illius vel alicujus hominis voluit supradictus Petrus aecclesiam novam construere ad opus canonicorum
l.13 suorum in parrochia monachorum. Quod cum calumpniarentur monachi, iratus est eis propter hoc, et caepit
l.14 injuste calumpniari donum quod fecerat de aecclesia sanctae Mariae et de aecclesia sancti Egidii. Unde convenientes
l.15 apud Calunnam ad placitum, postquam intellectum est, injuste tractari monachos, facta est ista concordia.
l.16 Petrus Camiliaci castri dominus, iterum concessit supradictas aecclesias supradicto sancto, et omnino guerpivit calumpniam omnem
l.17 quam propter occasionem illam fecerat in aecclesiis illis, et hoc guerpivit quod poscebat poni abbatem in monasterio sancti Pe-
l.18-tri postquam XIIcim monachi ibi possent vivere, laudante episcopo supradicto G. et domno Marbodo archidia-
l.19-cono, Guidone cantore et aliis. Monachi vero Majoris Monasterii, concesserunt fieri aecclesiam illam novam
l.20 tali pacto, ut numquam ibi fiat sepultura vel baptisterium, et ut numquam quicquam occupent de rebus ma-
l.21-tris aecclesiae sancti Petri nec sancte Mariae vel Sancti Egidii, et ut numquam domnus Petrus, vel successores
l.22 ejus seu etiam canonici donent illam alii aecclesiae sive canonicorum, sive monachorum, nisi aecclesiae Maj-
l.23-oris Monasterii et monachorum suorum, quod viderunt testes isti, Rotbertus Burgundio, Gausfredus de Meduana,
l.24 Guido de Turonio, Rainaldus de Cauleto. De clericis, Radulfus de Burgulio, Rainaldus de Faia. De famulis,
l.25 Hubertus cellararius, Guinebaldus, Martinus de Boeria, Ingelbertus, Odo prepositus, Guarnerius miles. Ex parte domni Petri,
l.26 Rainaldus senescalcus, Gausfredus filius Arrauldi, Archenbaldus Bodardus, Radulfus Florentinus, Haimericus filius
l.27 Guarini, Sigebrannus filius Detberti, Haimericus de Perolio, Frotmundus filius Gaulterii, Bardulfus, Morinus de Malo Levredo.
l.28 De monachis, domnus abbas Bernardus, abbas Stephanus, Gaulterius bajulus ejus, Ebrardus de Puteolo, Andreas
l.29 de Gommetico, Gaulterius abbas de Bona Valle, Bernardus prior, Petrus frater Gausfredi Crassi de Cauleto.
l.30 Preterea volumus ut sit notum omnibus quod Petrus filius Sigebranni supradictus, dominus Camiliaci castri, calumpniabatur monachis
l.31 Majoris Monasterii, aucmentum burgi Sancti Petri, id est novum burgum Roccarum et vicariam et omnes consuetudines, sed post istam
l.32 concordiam supradictam, fecerunt monachi Majoris Monasterii cum supradicto Petro apud Camiliacum et hanc. Die dominica III post
l.33 octabas Pentecosten, mane propter calorem minuit sanguinem Petrus supradictus. Post minutionem autem jacens in lecto suo in cammera
l.34 sua vocare fecit Bernardum priorem Majoris Monasterii, et Radulfum priorem Camiliaci, et Petrum monachum fratrem Gausfredi Crassi
l.35 et barones suos quos subter notabimus in testimonio, et ibi guerpivit omnem calumpniam quam faciebat in burgo supradicto, et vicariam et
l.36 omnes consuetudines, et concessit ex integro beato Martino et monachis suis burgum cum vicaria et omnibus consuetudinibus. Similiter
l.37 in eadem presentia uxor ejus Milesendis Galvanus filius eorum Petrus et Andreas filii eorum sponte guerpiverunt calumpniam quam guer-
l.38-piverat pater eorum, et concesserunt sponte, sicut supra diximus concessise dominum Petrum, burgum et vicariam et omnes consuetudines,
l.39 et si aliquando monachi aumentare vellent burgum suum ex quacumque parte, similiter concesserunt supradictus Petrus et uxor ejus et filii
l.40 sui monachis vicariam et omnes consuetudines. Preterea volumus ut sciatur quod concordiam quam cum monachis fecit Petrus apud
l.41 Calomnam nondum auctorizaverat uxor et filii ejus, sed in eodem die, et in eodem loco, auctorizavit et laudavit eam uxor ejus
l.42 Milesendis, et filii eorum sponte nulloque cogente Galvanus nomine, et alii filii omnes qui jam nati erant Petrus et Andreas,
l.43 tali intersigno quod unusquisque illorum duorum habuit inde XIIcim denarios. Quod sicut narravimus viderunt et audierunt
l.44 testes isti, Petrus filius Odolrici, Rainaldus senescalcus, Haimericus filius Guarini, Haimericus de Perulco, Gausfredus filius
l.45 Arraldi, Bardo senescalcus, Amalbertus cammerarius, Bastardus butellarius. Isti de suis. Isti autem fuerunt ex monacorum
l.46 parte, Rainaldus Sequartus, Odo prepositus de Sancto Petro, Guarnerius de Sancto Petro, Guillelmus filius Martini, Guillelmus Trotinus,
l.47 Erfridus Bloius, Bernardus de Clizonio, Andreas frater Rainaldi Sequarti, Radulfus filius Suffisiȩ, Obrannus filius Oiardȩ,
l.48 Gerardus Leonius.
l.49 Actum anno ab incarnatione Domini MXCmoIII, tempore Philippi regis, et Fulconis Andegavensium comitis,
l.50 agentibus nobis sub domno abbate Bernardo, anno Xmo ordinationis ejus.

1