Concorde faite dans un plaid tenu à Chalonnes entre Pierre II, seigneur de Chemillé, qui avait donné l'église Saint-Pierre de Chemillé à l'abbaye de Marmoutier, et les moines de Marmoutier : il leur confirme la donation des églises de Notre-Dame et de Saint-Gilles faite par son père Sigebrand, et renonce à demander la transformation du prieuré Saint-Pierre en abbaye. Il obtient la permission de construire une nouvelle église pour ses chanoines dans la paroisse des moines.

l.1 Quoniam generatio advenit et generatio preterit, et memoria hominum brevis est et labilis, et genus quorumdam hominum malitiosum est libenterque bene et recte gesta in quantum
l.2 potest pervertit, ideo sancti patres negotia hominum et concordias eorum laudaverunt scripto commendari, ne ulterius inde possit aliqua controversia inter eos exoriri. Quapropter nos imitantes eos
l.3 volumus esse notum tam presentibus quam futuris concordiam quandam quam monachi Majoris Monasterii fecerunt cum Petro domino Camiliaci castri filio Sigebranni. Petrus avus ejus, donavit
l.4 matrem ȩcclesiam ipsius castri scilicet ȩcclesiam Sancti Petri Beato Martino Majoris Monasterii et monachis suis, cum tota sepultura et aliis quȩ pertinent ad ȩcclesiam illam, et Sigebrannus
l.5 filius ejus illud donum approbavit et auctorizavit, immo etiam ȩcclesiam Sanctȩ Mariȩ capellam supradictȩ ȩcclesiȩ concessit Beato Martino post discessum cujusdam presbiteri Viventii cum
l.6 burgo et alia sicut ipse Viventius tenere debebat. Petrus autem filius supradicti Sigebranni recognoscens rectum beati Martini post discessum patris sui ȩcclesiam Beatȩ
l.7 Mariȩ, et Sancti Egidii, donavit et concessit in capitulo Andegavensis ȩcclesiȩ Sancti Mauricii laudante et concedente Gauffredo episcopo et canonicis ejusdem ȩcclesiȩ sicut in alia carta
l.8 scriptum est. Postquam vero monachi jamdiu tenuerant per multos annos sine calumpnia illius vel alicujus hominis voluit supradictus Petrus ȩcclesiam novam construere
l.9 ad opus canonicorum suorum in paroechia monachorum. Quod cum calumniarentur monachi, iratus est eis propter hoc, et cȩpit injuste calumpniari donum quod fecerat de ecclesia Sanctȩ Mariȩ et
l.10 de ȩcclesia Sancti Egidii. Unde convenientes apud Calunnam ad placitum, postquam intellectum est injuste tractari monachos, facta est ista concordia. Petrus Camiliaci castri dominus, iterum
l.11 concessit supradictas ȩcclesias supradicto sancto, et omnino guerpivit calumpniam omnem quam propter occasionem illam fecerat in ȩcclesiis illis, et hoc guerpivit quod poscebat poni abbatem
l.12 in monasterio Sancti Petri postquam XIIcim monachi ibi possent vivere laudante episcopo supradicto G. et domno Marbodo archidiacono, Guidone cantore
l.13 et aliis. Monachi vero Majoris Monasterii, concesserunt fieri ȩcclesiam illam novam tali pacto, ut numquam ibi fiat sepultura vel baptisterium, et ut numquam quicquam occu-
l.14-pent de rebus matris ȩcclesiȩ Sancti Petri nec Sanctȩ Mariȩ vel Sancti Egidii, et ut nunquam dominus Petrus, vel successores ejus seu etiam canonici donent illam alii
l.15 ȩcclesiȩ sive canonicorum, sive monachorum, nisi ȩcclesiȩ Majoris Monasterii et monachorum suorum, quod viderunt testes isti,
l.16 Robertus Burgundio, Gauffredus de Medana, Guido de Turonio, Rainaldus de Cauleto. De clericis, Rodulfus de Burgolio, Rainaldus de Faia. De famulis, Hubertus cellararius, Guineboldus,
l.17 Martinus de Boeria, Anchelbertus, Odo prepositus, Guarnerius miles. Ex parte domni Petri, Rainaldus siniscallis, Gauffredus filius Arrauldis, Erchembauldus Bodardus, Rodulfus Florentinus,
l.18 Haimericus filius Guarini, Sigebrannus filius Detberti, Haimericus de Perolio, Fromundus filius Gaulterii, Bardulfus, Morinus de Malo Levredo. De monachis, domnus abbas Bernardus, abbas
l.19 Stephanus, Gualterius bajulo ejus, Andreas, Ebrardus de Puteolo, Gualterius abbas de Bona Valle, Bernardus prior, Petrus frater Gaufredi Crassi de Cauleto.

2