Orri [de Champtoceaux] a donné à Marmoutier les coutumes qu'il avait lors de la foire de Saint-Jean-Baptiste [de Champtoceaux], à savoir les ventes et les forfaits de voirie.

l.1 Nosse debebitis si qui eritis posteri nostri, Majoris scilicet hujus
l.2 habitatores Monasterii Sancti Martini, Odricum de Castro Celso dedisse nobis
l.3 pro anima sua consuetudines quasdam quas habebat in mercato quod apud idem
l.4 castrum agitur ad nativitatem sancti Babtistae Johannis. Quas consuetudines sicut
l.5 ipse exigebat in mercato conveniente ad terminum illius festivitatis, ita ex eis donum
l.6 nobis causa suae salutis sicut dictum est perpetuo fecit, ita tamen ut fratres nostri apud Castrum
l.7 Celsum in cella Sancti Johannis commanentes, eas sicut ipse eatenus habuerat ad integrum
l.8 habeant et exigant annuatim, diebus tantum festivitatis quibus mercatum duraverit.
l.9 Unde in recompensationem hujus beneficii, domnum HUGONEM capellanum ejus ad
l.10 conversionem monasticam amore ipsius et dei in primis gratis suscepimus, et XL
l.11 insuper solidos quos ei debebat perdonavimus. Consuetudines autem hae sunt, ven-
l.12-ditiones videlicet venditarum rerum et forisfacta earum, atque vicaria, ac si quod
l.13 ex ea fit forte forisfactum, quas nobis prefatus Odricus eo quo premissum est ordine
l.14 donavit, testibus istis, [colonne1] Tescelino de Monterebello, Rainaldo clerico de eodem castro, Fulcherio Captivo, Herveo Haugomari filio, [colonne2] Gualterio fratre ejus, Archembaldo de Liriaco, Johanne Fantino milite, Airaudo presbitero, [colonne3] Gauslino clerico, Gausberto preposito Sancti Johannis, Raimberto pedagiario, Ermenaldo preposito Heldonis, [colonne4] Petro Gumbaldo, Fulcherio filio Adelaudi.