Guillaume, troisième abbé de Fécamp, et Guillaume, abbé de Saint-Florent, mettent fin aux contestations relatives aux droits de sépulture et aux dîmes en la châtellenie de Steyning.

l.1 Presentibus atque futuris hominibus notum esse volumus domnum Willelmum Fiscannensium abbatem tertium,
l.2 et domnum Willelmum Sancti Florentii Salmurensis abbatem, Rivallonis Dolensis filium, de discordiis et calumpniis
l.3 sepulturarum atque decimarum quȩ sunt in castellaria Staningensi pacem et concordiam in capitulis
l.4 eorum fecisse hoc modo. Domnus Willelmus abbas Sancti Florentii domno Willelmo abbati Fiscannensi, concessit ȩcclesiam
l.5 Sancti Nicholai de castello Brembrȩ, et sepulturam atque offerentias ejusdem ȩcclesiȩ, et de Staningis, et de
l.6 Belingetona, decimam in garbis, et caseis, et lana, et agnis, et porcellis, et vitulis, et lino, et canabo.
l.7 Domnus vero Willelmus abbas Fiscannensis domno Willelmo abbati Salmurensi clamavit quietas omnes calumnias quas fecerat in
l.8 ȩcclesia Sancti Petri de Beddingis, et in hyda terrȩ quȩ ad ipsam ȩcclesiam jacet, et insuper concessit ei de Portes Ladda
l.9 et de Sutwic, et de Beddingis decimam sicut eam habebat. Ad hanc pacem et concessionem audiendam, interfuerunt
l.10 [in] capitulo Fiscannensi duo monachi Sancti Florentii, Guihenocus de Monemuta et Primaldus qui fuit capellanus Braiosensis,
l.11 et Hugo de Staningis, monachus Sanctȩ Trinitatis de Fiscanno, in capitulo Sancti Florentii de Salmur.