Henri V, empereur, confirme à l'abbaye Saint-Arnoul de Metz les biens qui lui ont été donnés par ses prédécesseurs et d'autres bienfaiteurs.

l.1 [chrisme] IN NOMINE SANCTȨ ET INDIVIDUȨ TRINITATIS, HEINRICUS, DIVINA FAVENTE CLEMENTIA QUARTUS ROMANORUM IMPERATOR AUGUSTUS.
l.2 Si antiquorum insignia rȩgum in preceptis sive preceptorum confirmativis aecclesiis Dei concedendis imitati fuerimus, divinitus nos inde procul dubio remunerari confidimus. Quapropter fidelium nostrorum tam presentium scilicet quam futurorum magnitudini
l.3 notum esse volumus qualiter monasterium Sancti ARNULFI confessoris Christi preciosissimi, per interventum fidelis nostri BERENGOZI, abbatis, nostrȩ auctoritatis privilegio decorare decrevimus, ut cui aliud beneficium non conferimus, saltem ab aliis Christi fidelibus tradita confirmare
l.4 studeamus. Precipimus igitur et hoc imperiali nostrȩ auctoritatis precepto firmissima lȩge sancimus, ut in acclesiis, villis ac possessionibus, quas a predecessoribus nostris regibus, vel imperatoribus, Dagoberto videlicet, Pippino, Karolo, Luodevuico, Arnulfo, Zeindibuoldo, vel
l.5 a tribus Ottonibus, atque Cuonrado proavo nostro, prefato monasterio ac fratribus inibi Deo famulantibus, sicut in privilegiis eorum cernitur, collatas audivimus, nullius personȩ magnȩ vel parvȩ violentiam patiantur ulterius, sed ex clementia salvatoris nostri victum ac
l.6 vestitum inde superventuris semper consequantur temporibus. Hȩc sunt autem acclesiȩ ac villȩ, quȩ ad peculiaritatem pertinent, abbatis ac fratrum, Marcolas scilicet, et Arx, ac decimatio acclesiȩ apud Jussiacum, sed et Nugaraedum, et Vigiacum, Floriacum et Flaviniacum, cella etiam
l.7 una quȩ Aulegium, et altera quȩ vocatur Chisniacum, insuper vero triginta mansi cum acclesia et decimatione apud Rumeliacum, Maurivilla etiam et Vicum, Divillare et Tiliacum, Pomeriolum etiam cum quo predictum monasterium a beato Leone papa constat esse dotatum, sed et
l.8 Mallanc, et Keirelingun, Vualeno, et Chentingun, quod ab acclesia Sancti Chuniberti Coloniȩ pro aliis illuc bonis concambio est mutatum, et quod in villa Vuilere a quodam Bezelino et Vualtero predictis fratribus est datum, vel quod in Dagenheim et Sira, Nevis, et Bivera, a diversis Christi
l.9 fidelibus eidem loco antiquitus videtur esse collatum. Sed et Buxerias et Caminetum, quod Hildigardis regina cum omni utilitate ad prefatum contulit locum, Laium etiam monasterium quod Aeva quedam comitissa cum silva quȩ vocatur Heis, et cum omni utilitate ejusdem silvȩ,
l.10 cum ponte etiam et piscatione ad Campaniolas circa Murt fluvium, ad sȩpedictum monasterium tradidit. Hȩc igitur omnia per interventum dilectissimȩ conjugis nostrȩ Mathildis reginȩ, necnon Burchardi Monasteriensis, Herimanni Augustensis, Oudalrici Constan-
l.11-tiensis, Hugonis Brixiensis, Gerhardi Tridentinensis, Mazonis Virdunensis, venerabilium episcoporum aliorumque fidelium nostrorum, ad prebendam fratrum inibi Deo famulantium, hac nostra imperiali preceptione tali modo delegamus et confirmamus in perpetuum, ut nullus imperator aut rex,
l.12 nullus episcopus aut dux, nullus comes aut judex, nulla prorsus aeclesiastica sive mundana persona in eisdem bonis aliquam eis violentiam inferat, vel aliquem advocatum, nisi ipsi pro qualitate temporum aut diversitate locorum petierint, in eisdem locis ponere presumat, sed sicut
l.13 reges, et imperatores aliique fideles eadem bona illuc pia devotione contulerant, sic ad peculiarem prebendam eorum integra semper et inconvulsa permaneant. Et ut hoc imperiale nostrȩ auctoritatis preceptum majorem firmitatem habere possit in perpetuum, cartam hanc inde conscriptam,
l.14 manu propria subtus firmavimus, et sigilli nostri impressione insigniri jussimus.
l.15 SIGNUM DOMNI HEINRICI [monogramme] QUARTI ROMANORUM IMPERATORIS INVICTISSIMI.
l.16 BURCHARDUS CANCELLARIUS ET MONASTERIENSIS EPISCOPUS RECOGNOVIT.
l.17 [sceau].
l.18 Data III NONAS DECEMBRIS, anno Domini millesimo CXVo, indictione VIIIo, anno regni domni Heinrici XIo, imperii II. Actum in Italia, in castro Saviniaco. In Dei nomine, feliciter. Amen.

1