Adalbéron IV, évêque de Metz, rappelle les plaintes de l'abbesse et des moniales de Sainte-Marie-aux-Nonnains au sujet de la paroisse Saint-Sulpice de Vesignoul à Metz, donnée à l'abbaye par l'évêque Thierry lorsqu'il ramena de Rome le corps de sainte Sérène. Il attribue à l'abbaye les deux tiers des offrandes et des aumônes.

l.1 In nomine sancte et individue Trinitatis, A[delbero], Dei gratia Mettensis episcopus, universis contemporaneis sibi et post se futuris Mettensis ȩcclesiȩ filiis, perpetuam in Christo salutem.
l.2 Omnium recte sapientium industria novit inter alias virtutes quibus illa dignitas debet clarere hoc quoque ad episcopale officium pertinere, ut et immoderatis usurpationi-
l.3-bus vigilanter resistat, et justis peticionibus libenter adquiescat. Itaque ex memoria hujus carte cunctos fideles scire voluimus quid tempore nostre sedis ancille Dei de mo-
l.4-nasterio Sancte Marie nobis conqueste sint, et quid nos ad querelas eorum fecerimus. Venerunt namque ad nos et lacrimabiliter deplanxerunt inter alias sue prebende dimi-
l.5-nutiones se aut parum aut nichil proficui habere de illa parrochia Sancti Suplicii in Visinoil, quam unus de antecessoribus nostris Mettensibus episcopis, nomine Teodericus,
l.6 beate Serene sicut in dotem dedisset, dum corpus ejus a Rome delatum in eodem monasterio Sancte Marie eternaliter permansurum cum magna gloria et honore collocaret.
l.7 Aiebant nimirum quosdam presbyteros qui illam tenuerant, tam sua cupiditate quam abbatissarum neglegentia ac remissione, ita omne commodum ejusdem parrochie ita
l.8 ad se traxisse, ut nichil congregationi nisi solum nomen sterile videretur remansisse. Cumque ego hoc multorum testimonio verum esse comperissem, et inquisitione
l.9 facta non in decimis anone et vini sicut plereque sed in elemosinis tantum et spontaneis oblationibus totam pene utilitatem illius ȩcclesiȩ consistere didicissem, consilium
l.10 inde cum sapientibus et religiosis viris habui, et de ipso consilio ad talem finem deveni. Statui namque ut due portiones de reditibus annuis, de oblationibus spon-
l.11-taneis, de elemosinis sive vivorum sive defunctorum in partem dominarum absolute ac stabili jure cederent, et ita ponerentur sicut ipsȩ eas in capitulo suo con-
l.12-vertere libere in quoscumque usus communes et monasteriales voluissent. Proinde statui etiam ut presbyter ab abbatissa cum assensu sororum sanioris consilii conductus, et
l.13 ab archidiacono investitus terciam porcionem haberet, ipseque pro hac parrochie deserviret, debita ȩcclesiȩ persolveret, concilia quoque et placita ex more possideret.
l.14 Accidit autem sicut credimus nutu Dei ut per idem tempus quo ista tractabantur, archidiaconatus in manu mea esset, et ȩcclesia illa proprium pastorem non haberet.
l.15 Quem profecto ab ipsis conductum ego ipse in hec verba et secundum prefatam determinationem investivi, bannum posui, et sicut viciosa consuetudine emendata a me tunc
l.16 reinchoatum est, perpetua stabilitate a modo tenendum esse decrevi. Igitur post aliquos annos ab eo tempore quo hec verbo et opere taliter completa sunt, ego iterum
l.17 a sororibus sepe memoratis precibus et lacrimis terribiliter conventus, per hanc cartam eis hoc ipsum quod superius descriptum est firmavi. Quam etiam sigillo meo munitam supra
l.18 corpus sancte Serene, et supra altare ipsius sancte genitricis Marie tamquam pro legali dono venerabiliter collocavi. Obsecramus autem per Christum eos qui post nos sunt ven-
l.19-turi, quatinus hoc factum nostrum ita inviolatum servent, sicut ipsi a se bene gesta volunt custodiri. Denique cunctis servantibus pacem et salutem a Deo imprecamur, violan-
l.20-tes vero illo vinculo anathematis quo Deus judex ligare sacrilegos consuevit, episcopali auctoritate astringimus, nisi semel et iterum terciove commoniti resipuerint,
l.21 et ecclesie Dei satisfecerint. Actum publice et legitime Metti, in ipso monasterio Beate Dei genitricis Marie, anno ab incarnatione Domini millesimo CXI, indictione
l.22 IIII, VIII kalendas martii. Presentes autem affuerunt de ordine monachorum: domnus abbas Arnulfus de Sancto Vincentio, domnus abbas Antonius Senoniensis cenobii,
l.23 domnus prior Acelianus de Sancto Clemente. De ordine clericorum: domnus Arnulfus custos, Amalricus, Albertus, Harranus, Johannes. De ordine laicorum: Folmarus comes, Bertaldus de Turri,
l.24 Johannes, Lambertus, Guipaldus, Fredericus, Albericus, et alii quamplures.

1