Angers, AD Maine-et-Loire, H 3467 n° 3

<< < / > >>

Numéro3422

Fiabilité de l'actenon suspecté

Genrecharte

Date12/05/1054(fiabilité :édition)

LieuPoitiers(lat :in urbe Pictave)

DiocèseAngers

RégionPays-de-la-Loire

Supportparchemin

Chirographienon

Sceau non scellé

Etat de la traditionoriginal

Hauteur à gauche671   mm

Largeur en haut272   mm

Largeur en bas270   mm

AuteurGuillaume VII, duc d'AQUITAINE

BénéficiaireAbbaye  de  SAINT-FLORENT  de  SAUMUR

Regeste

Guillaume VII Aigret, duc d'Aquitaine, remet aux religieux de Saint-Florent le domaine des Fosses, que sa mère leur avait donné.

Texte

l.1 QUANTO QUISQUE MAJORI EXALTATUR IN HOC SAECULO SUBLIMITATE,
l.2 tanto attentius et sollicitius pensare debet quia cui plus committitur, plus ab eo
l.3 exigitur. Unde non oportet eum negligere, quin pauperibus et assidue Christum interpel-
l.4-lantibus procuret impendere ubicunque oportunum fuerit quanta valet adjutorii solatia,
l.5 quatinus amici ex mamona iniquitatis conquisiti, aeternum sibi tabernaculum quandoque
l.6 procurent aperire. Proinde ego WILLELMUS Aquitaniȩ Deo donante dux,
l.7 trado sancto FLORENTIO et fratribus servientibus illi in coenobio quod est situm prope menia
l.8 castri quod vocatur Salmurum, trado inquam, et per hujus nostrae auctoritatis testa-
l.9-mentum transfundo in dominium eorum quandam terram sitam in pago Pictavensi,
l.10 videlicet in vicaria Metulinse, de abbatia Sanctȩ CRUCIS, hoc est villam quae antiquitus
l.11 vocabatur Bethronum, nunc vero Fossas nuncupatur. Hanc eis villam prius
l.12 mater mea AGNES, me favente, per consensum venerabilis abbatissae PETRONILLAE
l.13 omniumque sanctimonialium coenobii Sanctȩ CRUCIS donaverat, sed ministris meis aliquas
l.14 postea ab eis exigentibus consuetudines, ad hoc usque ventum est, ut ego ipse annuente
l.15 itidem matre mea AGNETE, et fratre meo GAUSFRIDO, eandem villam ab omnibus
l.16 meis vel aliorum consuetudinibus liberrimam, et absolutissimam eis reddiderim.
l.17 Sanctimonialibus vero supradicti coenobii Sanctȩ CRUCIS, sicut in priori donatione
l.18 constitutum est, quotannis censum monachi supradicti reddant in festivitate
l.19 SANCTAE RADEGUNDIS quae cȩlebratur idus augusti, videlicet tres solidos. Si autem per
l.20 aliquam negligentiam hunc aliquando minime reddiderint censum, non idcirco
l.21 quod tenuerunt amittant, sed potius reddendo solitum pensum, suum studeant
l.22 corrigere neglectum. Vicariam quoque quam CONSTANTINUS tenuit, et vivente
l.23 illo atque hoc ipsum deprecante illis concessi, etiam nunc eo mortuo iterum concedo.
l.24 Si quis autem hanc voluntariam nostrae liberalitatis elemosinam aliquando
l.25 temerare prȩsumpserit, desiderata non optineat, et insuper auri geminum
l.26 talentum heredi meo sive regi coactus solvat. Ut autem hujus cartae
l.27 in nullo deinceps vacillet auctoritas, manu propria huic signum sanctȩ crucis
l.28 imprimo eamque manibus prȩsentium fidelium nostrorum firmandam roborandamque
l.29 trado. [colonne1] Archembaldus Burdegalensis archiepiscopus manufirmavit. Willelmus Engolismensis episcopus manufirmavit. Iterius Lemovicensis episcopus manufirmavit. Hildebertus comes manufirmavit. Willelmus de Parteniaco manufirmavit. Savericus vicecomes manufirmavit. Willelmus de Roca manufirmavit. Ingelelmus de Mortuo Mare manufirmavit. Rodulfus de Formioso manufirmavit. Gislebertus de Talniaco manufirmavit. [colonne2] SIGNUM WILLELMI [croix] DUCIS AQUITANORUM.
l.30 Data IIII IDUS mai, die videlicet ascensionis domini nostri Jhesu CHRISTI, anno ab incarnatione ejusdem MLIIII,
l.31 indictione VII, imperante Hainrico Francorum rege.
l.32 Actum publice in urbe Pictava.

Bibliographie

MARCHEGAY (Paul), Chartes poitevines de l'abbaye de Saint-Florent près Saumur, Les Roches-Baritaud, 1873, p. 93-95, n° 72.

Responsable

M. Courtois

Comment citer cette notice

Acte n°3422 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3422»[En ligne] http://www.cn-telma.fr/originaux/charte3422/. Date de mise à jour : 29/03/12.