La comtesse Agnès donne au monastère Saint-Florent de Saumur la terre des Fosses qu'elle tenait de l'abbaye Sainte-Croix avec le consentement de l'abbesse et des moniales de cette abbaye, à charge pour le monastère de verser à celle-ci un cens de trois sous.

l.1 QUANTO QUISQUE MAJORI EXALTATUR HOC IN SECULO SUBLIMITATE, TANTO ATTENTIUS
l.2 et sollicitius formidare debet, ne rerum opulentia pro bonis si qua forte egit, fiat ei
l.3 in praesenti remuneratio. Unde non oportet eum negligere, quin pauperibus et assidue Christum
l.4 interpellantibus procuret impendere ubicumque oportunum invenerit quanta valet adjutorii solacia,
l.5 ne in extremis arguatur, totum ad curam corporis expendisse. Igitur ego in Dei nomine
l.6 AGNES comitissa, reminiscens peccatorum meorum ingentia pondera, necne quae peccatoribus
l.7 debentur horrenda supplicia, et ut particeps effici merear illis qui pro Christi amore pauperibus
l.8 sibi data largiuntur beneficia, simulque ut Christi clementia meis filiis salutem animarum et corporum,
l.9 cum amplissima pace longevet, trado [monasterio] Sancti Florentii confessoris Christi sito in pago
l.10 Andegavensi, et monachis ibidem Deo servientibus, quandam ter[ram proprie]tatis meae, sitam in
l.11 pago P[ictavo in vicaria M]etulinse, de abbatia Sanctae [Crucis, hoc est villam quae ab an]tiquis
l.12 vocabatu[r Beltronum] nunc vero Fossas nuncupatur. [Ipsam villam totum ad integ]rum ad locum
l.13 supradictum trado et transfundo, videlicet per consensum et vo[luntatem] filiorum meorum
l.14 Aquitanici limitis ducatum gerentium, auctoritate quoque ve[nerabilis] abbatissae domnae
l.15 Petronillae, [ex mon]asterio ejusdem Sanctae Crucis, cum tota congr[egatione] sanctimonialium sibi
l.16 subjectarum, [ea vi]delicet ratione ut annis singulis prae[fati monachi in eodem mona]sterio
l.17 Sancti Floren[tii consisten]tes, censum persolvant solidos III supradicti[s sanctimonialibus.]
l.18 Si quis autem extiterit qui hanc kartam a nobis libentissime facta[m inquietare prae]sumpserit,
l.19 in primis iram Dei omnipotentis incurrat, et omnium sanctorum ejus, sitque extraneus a consortio omnium
l.20 bonorum et particeps cunctorum malorum, nisi resipuerit, et digna satisfactione ipsam inquietudinem
l.21 emendare studuerit. Insuper coactus exolvat C libras. Ut autem haec traditio rata et
l.22 inconvulsa permaneat, manibus propriis subter firmavimus, et filiis meis nobilibusque viris
l.23 ac sanctimonialibus ad roborandum tradidimus. [croix] S. Agnae comitissae. [colonne1] S. Willelmi Pictavensis comitis. S. Gauzfridi fratris ejus. S. Gauzfridi comitis Andegavensis. S. Isemberti episcopi Pictavensis. S. Girardi episcopi Engolmensis. S. Teodolini abbatis. S. Ansegisi abbatis. S. Acfredi vicecomitis. S. Haimerici de Rancon. S. Willelmi de Partanio. S. Berlai militis. S. Gisleberti militis. S. Willelmi de Kartis. [colonne2] S. Constantini de Mello. S. Hildeberti de Roca Matildis. S. Rannulfi Raiolis. S. Hademaris Malȩ Capsȩ. S. Petri abbatis. S. Petronillȩ nobilissimȩ abbatissȩ Sanctae Crucis. S. Eufemie sanctimonialis. S. Rainsendis sanctimonialis. S. Adhenoris sanctimonialis.

MARCHEGAY (Paul), Chartes poitevines de l'abbaye de Saint-Florent près Saumur, Les Roches-Baritaud, 1873, p.85-87, n° 68.

GUILLOT (Olivier), Le comte d'Anjou et son entourage au XIe siècle, 2 vol., Paris, 1972, 1 : Etude et appendices. 2. Catalogue d'actes et index, t. 2, p. 71, n° 82.