Richer, doyen du chapitre de Verdun, cède l'église de Pange au chapitre Saint-Sauveur de Metz et obtient en échange un bien à Cléry-le-Grand.

l.1 [croix] IN NOMINE SANCTȨ ET INDIVIDUE TRINITATIS ET SALVATORIS DOMINI NOSTRI JHESU CHRISTI ET OMNIUM CȨLESTIUM ORDINUM.
l.2 Notum facimus tam presentibus quam posteris quod domnus RICHERUS, Virdunensis ȩcclesiȩ decanus, ȩcclesiam de Spanges quȩ est
l.3 sancti SALVATORIS tenuit in fedo et hominio a domino ADALBERONE venerabili episcopo, et simili condicione a successore suo
l.4 HERIMANNO episcopo. Sed propter conturbationem sanctȩ ȩcclesiȩ que per tot tempora prevaluit in hoc regno, DOMNUS GERVULDUS,
l.5 prepositus sancti SALVATORIS, metuens ne supra titulata ȩcclesia aliquo impedimento privaretur ab ecclesia Sancti SALVATORIS, per idoneos
l.6 mediatores placuit fieri concambium, quatinus prefatus RICHERUS illam ȩcclesiam absolute redderet, et pro commutatione ejus
l.7 bonum sancti SALVATORIS obtineret apud Clarei totum exceptis V solidis et VIIII banno, his retentis in manu dominicata
l.8 propter investituram et ne quis heres succederet. Deinde canonici Sancti SALVATORIS, metuentes ne idem bonum pro
l.9 commutatione susceptum aliquo modo impediretur ab eodem R[ichero] vel ab ullo suo herede eandem tradicionem hoc modo
l.10 innovaverunt. Per manum equidem venerabilis pontificis POPPONIS prenominatus decanus idem bonum suscepit in presencia
l.11 canonicorum Sancti SALVATORIS communi assensu eorum, non dono pontificali feodi vel hominii sed vice prepositi, quia eo tempore prepositum
l.12 non habebant. Sancitum est autem immutabiliter ut nullum impedimentum aliquo ingenio senciat ȩcclesia Sancti SALVATORIS super hoc
l.13 bono ab ipso R[ichero] vel a quolibet suo herede eadem vicissitudine stabilitatis conservata in eundem a preposito et a canonicis ejusdem loci,
l.14 retentis solidis V in singulos annos et VIIII banno propter investituram. Post obitum vero ejus libere et absolute ad prebendam fratrum omnia
l.15 redeant, procul amoto omni impedimento. Ut autem firmum et inconvulsum permaneat, in hac carta corroboratum liquet et hujus rei violatores
l.16 sub anathematis vinculo innodatos esse auctoritate domini POPPONIS, gratia Dei Mettensis episcopi. Hujus rei testes existunt clerici et laici subternotati:
l.17 [croix] domnus Rotchelinus archidiaconus, Arnulfus thesaurarius, Sigefridus canonicus, Benedictus canonicus, Adelardus canonicus, Hetzelinus canonicus. Virdunensis ȩcclesiȩ
l.18 canonici : Richardus corepiscopus, Teodericus cantor, Hairicus celerarius, Lambertus canonicus. Laici : Gotbertus, Hugo et Ulricus filius ejus, Haibertus et Ulricus filius ejus,
l.19 Arnulfus, Bertrannus, Rainerus, item Rainerus nepos ejus, Rotbertus, Girardus, Burchardus, Anselmus, Vuippaldus. Actum Mettis, imperante HEINRICO
l.20 augusto, FOLMARO comite, anno incarnationis dominicȩ MoXCoIIIo, indictione I. Ego ANDREAS cancellarius dictavi et confirmavi precepto domini mei POPPONIS episcopi. ABCDEFGHIKLMNOPQRSTVXYZ.

1