Donation par Aimeric, vicomte de Thouars, de l'église de Saint-Jean du Château de la Chaise et de divers biens et droits à Saint-Florent de Saumur.

l.1 EGO AIMERICUS, Toarcensis honoris gratia Dei vicecomes et dominus, notum fore
l.2 volo fidelibus Dei omnibus, et prȩcipue meis successoribus, quod ego
l.3 pro salute animȩ meȩ, patris quoque ac matris meȩ, filiorumque ac filiarum,
l.4 immo totius progeniei, providi et disposui de rebus meis quaedam, quȩ
l.5 fratribus in monasterio Sancti Florentii Deo famulantibus, per voluntatem et con-
l.6-sensum conjugis meȩ AMELINȨ, necnon filiorum ARBERTI, et GOFFREDI,
l.7 dono, et in perpetuum concedo, quatinus illi servi Dei orationum et bo-
l.8-norum operum suorum participem [me] faciant, et pro peccatis meis apud
l.9 dominum intercedant. Haec sunt [igi]tur, quae eis dono et concedo. Aec-
l.10-clesiam Sancti JOHANNIS de castel[lo Ca]sae, cum omnibus ad eam pertinentibus,
l.11 scilicet oblationibus, sepultura, [de]cimis, s[tagni]s, molendinis, terris,
l.12 sicut ea prius Johanni canonico [in feodum donavi.] Preterea, masu-
l.13-ram terrȩ de Capreolaria, omni con[suetudine liberam,] exceptis tribus
l.14 carretatis lignorum. Masuram quoque [terrae quae fuit Goh]elȩ, juxta Spele-
l.15-um, et ipsam omni consuetudine liberam, cum prato terrȩ contiguo. Forestas
l.16 etiam meas, quantum opus fuerit ad opus monasterii sui, et domorum suarum
l.17 ȩdificandarum, et ad calefaciendum. Pastum insuper porcorum suorum dominicorum,
l.18 quotquot sint, concesso eis pasnatico, per easdem forestas, [pastumque] simul bo-
l.19-um, equarum, reliquorumve pecorum concedo. Burgum par[iter suum] absque aliqua
l.20 consuetudine eis concedo, excepta venda diei sabbati, quo dies mercatus est.
l.21 Quam tamen si quis non reddiderit, clamore ad monachum prepositum facto, capitaliter
l.22 id est sine emendatione, burgensis reddet. Boschos quoque meos burgensibus
l.23 eorum, quomodo et meis, communico. Ad hoc, totius annonȩ meȩ, quando ad horrea
l.24 mea afferetur, decimam eis concedo, exceptis prestitis, et forestagiis meis. Prȩter hȩc,
l.25 quȩ de meo illis aut do, aut daturus sum, si quis meorum aut hominum, aut paren-
l.26-tum in toto honore meo, illis aliquid, aut dederit aut vendiderit, volo, et gra-
l.27-tanter concedo. Terras eorum ab hominibus meis devastari de reliquo non per-
l.28-mittam, resque eorum violenter diripi non con[sent]iam. Si quando tamen
l.29 bono animo de suo aliquid michi dederint, [cum] gratia suscipiam. Ut autem
l.30 donationes et concessiones istȩ perennem optineant firmitatem, eas litteris annotari precepi,
l.31 et annotatas in audientia plurimorum relegi, et relectas signo meo auctorizavi,
l.32 et a fratribus filiisque meis coram testibus feci auctorizari. Signum Aimerici vicecomitis [croix]. Signum Radulfi [croix] fratris ejus. Signum Arberti [croix] filii ejus. Signum Gosfredi [croix] alterius filii ejus.