Sophie, comtesse de Bar, donne à l'abbaye de Saint-Mihiel le prieuré de Laître et la chapelle du castrum d'Amance, moyennant concession à l'abbaye de Sainte-Glossinde de Metz d'un cens à Leyr et de trois serfs et de bois à Eingeviler. L'évêque de Toul Pibon souscrit cette charte.

l.1 Ego Sophya, Asmantiȩ comitissa, notum facio successoribus meis, quod Theodericus, dux, capellulam sub Asmantia in suo proprio fundo construxit, quam in honore sancti
l.2 Sigismundi sacrare volebat et de suis propriis locupletare, sed sorte mortis preventus mortuus est. Post longum vero temporis, ego Sophya, comitissa, capellulam illam
l.3 amplificavi et reedificavi, eamque sancto Michaeli devovi et donavi cum capella castri et decimis sortium et arengalibus et styrpalibus et indominaturis et omnium illorum
l.4 quȩ adquirerem ab illa die. Rogavique domnum Pibonem Tullensem episcopum ut eam consecraret, sed abbatissa Sanctȩ Glodesindis, quia in territorio Domni Martini con-
l.5-structa erat, Piboni episcopo vetuit ut non sacraret illam. Ego autem Sophya, consilio domni Pibonis, et Hermanni, episcopi Metensis, Albrici, abbatis Sancti Mansueti, Evrardi Sancti Apri,
l.6 et suorum fidelium, censuales reditus quos habebam apud Lays abbatissȩ Hodiernȩ Sanctȩ Glodesindis tradidi, datis insuper Arenfredo, Badino, Lampizone, cum quartariis et
l.7 foresta de Ingeviler, et sic consilio et auxilio abbatissȩ et laude capituli sui, donum prescriptum ego Sophya in manu abbatis Sancti Michaelis Sygifridi posui, et sic determinata
l.8 controversia, consecrata est capella in honore sanctȩ Mariȩ virginis, et libera facta ab omni exactione sicut in carta ejusdem domni Pibonis scriptum est, ut vicarius sanctȩ
l.9 Mariȩ liber esset, utrique deserviret capellȩ, michi et meis successoribus conductum vicarii tribuens, et in perpetuum astipulans. Hocque pactum firmatum est illo
l.10 anno quo domnus presul Pibo Tullensis Jherosolymam perrexit, anno ab incarnatione Domini millesimo LXXXV, indictione VIII, epacta XXII, concurrente II,
l.11 papante Gregorio VII, regnante Heinrico III. [croix] Pibonis episcopi. [croix] Hermanni episcopi Metensis. [croix] Albrici abbatis Sancti Mansueti. [croix] Evrardi Sancti Apri. [croix] Hugonis primicerii.
l.12 [croix] Hi testes de familia sunt: Maimbodus, Bovonius, Emico, Enzelinus per quorum manus XXX libras Metensis monetȩ Hodiernȩ abbatissȩ tradidi, cujus sigillo
l.13 presens scriptum insignitur. [croix] Denique ab antecessoribus meis ȩcclesia Tullensis mansum infra suburbium civitatis juxta portam Hekehardi, in Raimbaldi angulo,
l.14 habebat; hoc donum per manum domni Pibonis renovatum est, tum pro salute animȩ meȩ, tum pro libertate cellȩ Asmantiȩ quam liberam fecerat.

1

LESORT (André), Chronique et chartes de l'abbaye de Saint-Mihiel, Paris, 1910-1912 (Mettensia, 6), p. 166-168, n° 44.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 139, n° 108.

CHOUX (abbé Jacques), L'épiscopat de Pibon : 1069-1107.- Nancy : Société d'Archéologie Lorraine, 1952, p. 210, n° 40.