Renaud de Martigné, évêque d'Angers, fait connaître qu'un de ses prédécesseurs, Eusèbe Brunon, avait réussi à faire attribuer aux religieux de Saint-Florent les églises de Gonnord qui depuis des temps reculés étaient en mains laïques. Se disposant à partir pour Jérusalem, Renaud s'arrête à Saint-Florent et confirme la donation des dites églises.

l.1 IN NOMINE SUMMAE ET INDIVIDUȩ TRINITATIS EGO RAINALDUS DEI GRATIA ANDECAVORUM EPISCOPUS, NOTUM FIERI VOLO
l.2 successoribus nostris, aecclesias de villa quȩ dicitur Goanordum, sub ditione laicorum hominum antiquitus
l.3 fuisse. Quos cum beatȩ memorie Eusebius episcopus unus de praedecessoribus meis sepius corripuisset, quod ȩcclesias, utpote
l.4 laicalis ordinis personȩ, injuste sibi usurparent, et ipsi nichilominus per vim et injusticiam potestati suȩ vindica-
l.5-rent, tandem saniori usus consilio easdem ȩcclesias Sancto Florentio et ejus monachis episcopali auctoritate
l.6 concessit. Hoc nimirum ut faceret, rogatus est a quadam nobili matrona Vierensi, Wienna nomine, quȩ quartam
l.7 partem quam in ipsis ȩcclesiis hereditario jure possidebat, cum quibusdam possessiunculis in vicinia consistentibus,
l.8 eidem beato confessori in elemosinam contulit, ipso Eusebio annuente, et donationem confirmante. Statuit quoque quod si
l.9 quisquam eorum, qui reliquas tres partes in ipsis ȩcclesiis habere se testabantur, aliquando relinquere vellent, monasterio Sancti
l.10 Florentii pro redemptione animarum suarum conferrent, nec alias dimittendi, potestas aut licentia concederetur. Proinde cum
l.11 orationis gratia Jerosolimam proficisci disponeremus, et in ipso itinere positi, apud Sanctum Florentium Salmurensem hospitatum diver-
l.12-tissemus, accessit ad nos venerabilis frater noster Stephanus abbas, et ejus monachi, suppliciter postulantes ut donationem quam praedecessor noster
l.13 de ipsis ȩcclesiis pridem fecerat, nos quoque pro modulo collatȩ potestatis auctoritate nostra corroboraremus. Quorum peticionem
l.14 rationabilem esse judicantes, atque praedecessoris nostri decreta, rata et sanccita esse cupientes, prȩfatas ȩcclesias, a Sancto Florentio et ejus
l.15 monachis in perpetuum possidendas concessimus. Porro ut hȩc nostra concessio seu corroboratio inconvulsam per secula obtineat
l.16 firmitatem, contra sequatium obtrectationes, et prava ingenia, presentem kartam sigillo nostro muniri precepimus.
l.17 Actum anno ab incarnatione Domini MoCXXmo, II kalendas JUNII apud Sanctum Florentium audientibus et videntibus Normanno decano An-
l.18-decavensi, Willelmo archidiacono, Willelmo decano Chimilliacensi, Stephano abbate, Otgerio priore Sancti Florentii, et aliis plurimis
l.19 quos numerare longum est, nec multum refert.
l.20 [sceau].